Хэнтий аймагт МАН-аас гурван удаа сонгогдож, 12 жил парламентад суусан Д.Арвин гишүүн намаасаа гарч, АН-ын гишүүн болсон. Харин түүний сонголт МАН-ынхныг “шоконд” оруулаад авсан. Мөн МАХН-ынхныг ч шоконд орууллаа. Ялангуяа МАХН-ын дарга Н.Энхбаярыг. Учир нь түүний улс төрийн карьерт хүрсэн “түүхэн замнал”-д Н.Энхбаярын дүр төрх тод томруунаар тэмдэглэгдэн үлдсэн байдаг. Мөн Д.Арвин 1990-ээд оны үед тухайн үеийн МАХН-д элсч, улс төрийн ширүүн өрсөлдөөнд хүч үзэж яваа Ерөнхийлөгч асан Н.Энхбаярын хамгийн ойрын хүн байсан гэж олон хүн үздэг.
Д.Арвин ч энэ хугацаанд Н.Энхбаяр даргадаа чин шударга байснаараа олон нийтэд таалагдахуйц имиж бүрдүүлсэн. Тухайлбал, Н.Энхбаярын ээж Бүдхандтай хамт “Говь” саун, “Монгол костьюмс”-аар үйлчлүүлжээ гэсэн мэдээллүүд, мөн намын бүлгийн хурал дээр улайм цайм өмөөрч байсан нь үүнийг гэрчилдэг.
Тиймдээ ч дахин сонгуулийн дараа түүнийг Н.Энхбаяр өөрийнх нь намд элсэнэ гэж хүлээж байв. Мөн олон нийт ч түүнийг Н.Энхбаяртай талтай байдаг тул Д.Тэрбишдагва, Ч.Улаан нар шиг МАХН-д элсэж том албан тушаалтан болно гэж хардаж байлаа.
Гэтэл Д.Арвин шал өөр сонголт хийв. Н.Энхбаяризмыг шүтэж улс төрд хөл тавьсан ч “улааныг үзэж урвах, шарыг үзэж шарвах” арга замыг сонгосон түүний сонголтыг сонссон Н.Энхбаяр “Д.Арвин АН-д орчихлоо гэж үү” хэмээн уулга алджээ.
Н.Энхбаярын хүн гэдэг шошготойгоор албан тушаалын өндөрлөгт хүрч байсан ч тус болсон хүнээ мартаж, тэрээр АН-д элссэн юм.
Мөн өөрийн намаа цээжээрээ дэлдэх шахам хамгаалж байсан дайчин хатагтай Н.Энхбаярыг хүнд үед таг дуугүй болчихсон төдийгүй намаасаа урваж шарваж байгаа нь хачирхалтай. Юутай ч нам нь түүнийг хаялгүй Баянзүрх дүүрэгт нэр дэвших эрхээр шагнасан нь үнэн. Харин тэрээр намаасаа нэр дэвшин ялж гарч ирчихээд “Нам миний эсрэг ажилласан. Би МАН-ыг ядарсан үед нь орхиогүй, задарсан үед нь гарч байна” хэмээн тайлбарлаж байв.
24tsag.mn
Сэтгэгдэл (39)