Оны шилдэг хүүхдийн батламж гардуулах ёслолын үйл ажиллагаа өнөөдөр 11:00 цагт “Элит” төвд, 14:00 цагаас Төрийн ордны ёслолын танхимд болно. Батламжийг Монгол Улсын Ерөнхий сайд, Хүүхдийн төлөө үндэсний зөвлөлийн тэргүүн Н.Алтанхуяг гардуулах юм.

Дорнод аймгийн Хүүхэд, гэр бүлийн хөгжлийн хэлтэс хүүхдийн хөгжил, нийгмийн амьдралд оролцох эрхийг дэмжин, өсвөр үеийнхний унаган авъяас, давуу тал, амжилт онолт, шилдэг үлгэр дууриаллыг дэмжин сайшаах зорилгоор “Оны шилдэг” хүүхдийг шалгаруулдаг билээ.

Энэ жилийн Оны шилдэг хүүхдийн шалгаруулалт нь сурлага, урлаг спорт, хүмүүнлэг энэрэнгүй үйлс, байгаль хамгаалал, олон нийтийн оролцоо зэрэг 9 номинацитай. Мөн оны шилдэг “Хүүхдэд ээлтэй байгууллагыг” тодруулах юм байна.

Д.Ундрах 24tsag.mn