Уншигч та бүхэнд "Амралтын өдрийн жор" булангийн өнөөдрийн дугаарт Яргай загасны стейк хийх жорыг хуваалцаж байна.
Орц:
Яргай загас-100 грамм
Улаан лооль- 5 ширхэг
Хушга- 2 ширхэг
Ягаан сонгино- 1 ширхэг
Сармис- 1 хумс
Розмарин- 1 ширхэг
Ногоон хулуу- тал
Лемон- тал
Яншуй- 5 грамм
Оливын тос
Хар перец
Давс
Бууцай-50 грамм
Хийх арга:
Салмон буюу яргай загасаа гэгээж бэлдээд, өөрийн идэх хэмжээгээрээ тааруулан давс болон хар перецээр амтална. Мөн лемоныг хөндлөнгөөр нь зүснэ. Хайруулын тавганд оливын тос бага зэрэг хийгээд загасаа шарна. Загас маш хурдан болдог учир тосоо халаагаад, загасаа хийснийхээ дараа галаа бага зэрэг багасгаарай. Үүн дээрээ хэрчсэн лемоноо бүхлээр нь хийгээд үрлэн помидор болон розмаринаа хамтад нь шарж өгнө. Ойролцоогоор 8-10 минут шарахад л хангалттай. Загас болох хооронд зуушаа бэлтгэнэ. Хулууныхаа хальсыг авна. Мөн нарийн хэрчиж өгнө. Нарийн хэрчсэн хулуугаа бүгдийг нь давхарлаж байгаад шпаггетины гоймон шиг урт нарийхан хэрчинэ. Хайруулын тавганд бага зэрэг оливын тос хийж халаагаад хэрчсэн сонгино саримсаа хуураад нарийн хэрчсэн хулуугаа шарна. Дээр нь яншуй, бууцайгаа нэмж, хамгийн сшшол жижиглэн хэрчсэн хушгаа хийгээд хуурна. Зөвхөн давс, перецээр амтална. Ногоогоо хулуу болоод, зөөлөрмөгц гаргаарай. Ингээд таваглах л үлдлээ.
