Монголын 15 аймгийн 55 суманд өвөлжилт хүндэрч, зудын байдалтай байгааг харгалзан МАХН-аас малчдад туслахаар “Сэтгэлийн дэм” хандивын аян зарлалаа. Сарын хугацаанд өрнүүлэх тус аяны хүрээнд рок попын болон зохиолын дуучид оролцсон хандивын тоглолтыг энэ сарын 19-20-нд зохион байгуулахаас гадна өвөлжилт хүндэрсэн аймгууд руу эмч нарын баг илгээн, “Илгээлтийн эзэд” уриалгын дор 300 оюутныг малчдад туслуулахаар явуулахаар болжээ. Мөн өвөлжилт хүндрээд байгаа аймгууд дахь МАХН-ын мянгатын гишүүдийг энэ ажилд татан оролцуулж, хаагдсан зам даваа гүвээг нээх, онцгой байдлын аврагчдад туслуулах юм байна.Түүнчлэн улс төрийн бусад хүчин, нам, эвсэл холбоо, төрийн болон төрийн бус байгууллага, аж ахуйн нэгж, ерөнхий боловсролын болон их дээд сургууль, албан байгууллага, цэргийн анги нэгтгэл, нийт ард иргэдэд хандан “Сэтгэлийн дэм” аянд нэгдэхийг МАХН-аас уриаллаа. Одоогоор зарим суманд утсан холбооноос өөрөөр холбоо барих боломжгүй болжээ. Өнгөрсөн сарын 27-29-нд гурван өдөр дараалан шуурснаас цас хөрлөж, малын хөл шалбарах, бэлчээрт гарах боломжгүй болсон. Ялангуяа үхэр, бог малд хүндрэлтэй байна. Хандивын аянд оролцож, малчдад тусламж үзүүлэхийг хүссэн иргэд 142014 тусгай дугаарт мессеж бичих болон ХААН банкаар дамжуулан сэтгэлийн өргөл өгч болох аж. Харин лаа шүдэнз, дулаалга зэрэг мөнгөн бус хэлбэрийн хандивыг МАХН-ын төв байранд хүлээн авах юм байна.

Монголын 15 аймгийн 55 суманд өвөлжилт хүндэрч, зудын байдалтай байгааг харгалзан МАХН-аас малчдад туслахаар “Сэтгэлийн дэм” хандивын аян зарлалаа. Сарын хугацаанд өрнүүлэх тус аяны хүрээнд рок попын болон зохиолын дуучид оролцсон хандивын тоглолтыг энэ сарын 19-20-нд зохион байгуулахаас гадна өвөлжилт хүндэрсэн аймгууд руу эмч нарын баг илгээн, “Илгээлтийн эзэд” уриалгын дор 300 оюутныг малчдад туслуулахаар явуулахаар болжээ. Мөн өвөлжилт хүндрээд байгаа аймгууд дахь МАХН-ын мянгатын гишүүдийг энэ ажилд татан оролцуулж, хаагдсан зам даваа гүвээг нээх, онцгой байдлын аврагчдад туслуулах юм байна.Түүнчлэн улс төрийн бусад хүчин, нам, эвсэл холбоо, төрийн болон төрийн бус байгууллага, аж ахуйн нэгж, ерөнхий боловсролын болон их дээд сургууль, албан байгууллага, цэргийн анги нэгтгэл, нийт ард иргэдэд хандан “Сэтгэлийн дэм” аянд нэгдэхийг МАХН-аас уриаллаа. Одоогоор зарим суманд утсан холбооноос өөрөөр холбоо барих боломжгүй болжээ. Өнгөрсөн сарын 27-29-нд гурван өдөр дараалан шуурснаас цас хөрлөж, малын хөл шалбарах, бэлчээрт гарах боломжгүй болсон. Ялангуяа үхэр, бог малд хүндрэлтэй байна. Хандивын аянд оролцож, малчдад тусламж үзүүлэхийг хүссэн иргэд 142014 тусгай дугаарт мессеж бичих болон ХААН банкаар дамжуулан сэтгэлийн өргөл өгч болох аж. Харин лаа шүдэнз, дулаалга зэрэг мөнгөн бус хэлбэрийн хандивыг МАХН-ын төв байранд хүлээн авах юм байна.