МИАТ-ын хэрэгт "Монголиан Эйрлайнес" компанийн эзэн Ч.Хоролсүрэн, түүний төрсөн дүү Ч.Суурьтогтох, Н.Гантөмөр, МИАТ ХК-ийн гүйцэтгэх захирлын албан тушаалыг хашиж байсан гавьяат нисгэгч Р.Бат-Эрдэнэ, Б.Эрдэнэбилэг, Ц.Орхон болон түүний эхнэр Ү.Цэцэгмаа, Төрийн өмчийн хороонд ажиллаж байсан С.Батхишиг нарыг баривчлан цагдан хориод байгаа билээ. Тэднийг МИАТ-аар дамжуулж ихээхэн хэмжээний мөнгө угаасан хэмээн сэжиглэгдэж буй саатуулсан билээ. Мөн уг хэрэгт Төрийн өмчийн хорооны дарга асан Д.Сугарыг холбогдуулан баривчлахаар болоод байгаа ч Үндсэн хуулийн цэцийн онцгой бүрэн эрхтэй гишүүн тул цагдаа болон хууль хяналтынхан албадан саатуулж чадахгүй байгаа юм. Ингээд МИАТ-ын гэх тодотголтой хэргийн талаар ЦЕГ-ын Хэвлэл мэдээллийн төвийн ажилтан Б.Саруултуяагаас тодрууллаа. -МИАТ-ын хэргийн талаар тодруулахгүй юу?
-МИАТ-ын албан тушаалтнуудад холбогдох хэрэг УМБГ шалгагдаж байна.
-Эрүүгийн хэрэг үүсгэсэн үү?
-Тус хүмүүст Монгол Улсын Эрүүгийн хуулийн тусгай ангийн 150.3-т зааснаар эрүүгийн хэрэг үүсгэн шалгаж байна.
-Мөрдөн байцаалт хэр үргэлжилж байна?
-Шалгалтын явцад найман албан тушаалтныг холбон шалгаж байгаа. Мөрдөн байцаалтын явцад долоон сая гаруй ам.долларын хохирол учруулсан нь нотлогдоод мөрдөн байцаалтын ажиллагаа үргэлжилж байна.
Б.Золбоо
Сэтгэгдэл (11)