Хайгуулын 120 лиценз хууль бусаар олгосон хэрэгт татагдсан Ашигт малтмалын газрын дарга асан Д.Батхуяг нарын дөрвөн хүнд холбогдох хурал хоёрдахь өдрөө үргэлжилж байна. Шүүх хурал ШШГЕГ-ын харьяа цагдан хорих 461 дүгээр ангийн танхимд болж байгаа юм. Тэднийг албан тушаалаа урвуулан ашиглах, хээл хахууль авсан хэрэгт буруутган, Эрүүгийн хуулийн тусгай ангийн 263.2, 268.2-т зааснаар буруутган шүүж байна.
Хуралд шүүгчээр Б.Цогт, О.Жанчивнямбуу, Ц.Оюунчимэг, улсын яллагчаар С.Алимаа, өмгөөлөгчөөр Б.Ууганбаяр, Б.Энхзаяа, Г.Оюунцэцэг, Ц.Агваандорж, Б.Энх-Эрдэнэ, Д.Батсүх, П.Сугарням, М.Зулзаяа, Ч.Болдбаатар, Б.Баясгалан, П.Батжаргал, М.Алтан-Өлзий нар оролцож байна.
Б.Чимэг
