Бүх Хятадын Ардын Төлөөлөгчдийн Их Хурлын Байнгын хорооны дарга ноён У Бангуогийн айлчлал УИХ-ын дарга З.Энхболдын урилгаар өнөөдөр эхэлнэ. Түүний айлчлал 2-р сарын нэгний өдөр хүртэл үргэлжилнэ. Ноён У Бангуо Монгол Улсын Их Хурлын дарга З.Энхболдтой уулзалт хэлэлцээ хийж, Монгол Улсын Ерөнхийлөгч Ц.Элбэгдоржид бараалхана. Мөн Монгол Улсын Ерөнхий сайд Н.Алтанхуяг ноён У Бангуод бараалхана.
Хүндэт зочин айлчлалынхаа хүрээнд зарим баримт бичигт гарын үсэг зурж, Улсын Их Хурлын Тамгын газарт техник тоног төхөөрөмж бэлэглэхийн зэрэгцээ Улсын Их Хурлын чуулганы танхимтай танилцаж, Хятадын банкны төлөөлөгчийн газрын нээлтийн арга хэмжээнд оролцох юм.
БХАТИХ-ЫН БАЙНГЫН ХОРООНЫ ДАРГА У БАНГУО
У Бангуо 1941 оны 7 дугаар сард Аньхуй мужийн Фэйдун хошуунд төрсөн, хан үндэстэн. Тэрээр 1964 оны 4 дүгээр сард ХКН-д элссэн бөгөөд 1966 оны 9 дүгээр сард хөдөлмөрийн гараагаа эхэлжээ. У Бангуо Цинхуа их сургуулийн Радио электроникийн факультетийг төгссөн.
1960-1967: Цинхуа их сургуулийн Радиоэлектроникийн факультетийн оюутан
1967-1976: Шанхай хотын Чийдэнгийн 3 дугаар үйлдвэрт ажилчин, техникч, техникийн салбарын орлогч дарга, дарга
1976-1978: Шанхай хотын Чийдэнгийн 3 дугаар үйлдвэрийн Намын хорооны нарийн бичгийн даргын орлогч, үйлдвэрийн хувьсгалт хорооны орлогч дарга, үйлдвэрийн орлогч дарга, үйлдвэрийн дарга
1978-1979: Шанхай хотын электрон сэлбэг хэрэгслийн компанийн орлогч захирал
1979-1981: Шанхай хотын Чийдэнгийн компанийн орлогч захирал
1981-1983: Шанхай хотын Багаж төхөөрөмжийн үйлдвэрлэл, харилцаа холбооны удирдах газрын Намын хорооны нарийн бичгийн даргын орлогч
1983-1985: Шанхай хотын Намын хорооны Байнгын хорооны гишүүн, Шанхай хотын Намын хорооны шинжлэх ухаан, технологийн асуудал хариуцсан нарийн бичгийн дарга
400px-Wu_Bangguo_Beijing20111985-1991: Шанхай хотын Намын хорооны нарийн бичгийн даргын орлогч
1991-1992: Шанхай хотын Намын хорооны нарийн бичгийн дарга
1992-1994: ХКН-ын Төв Хорооны Улс төрийн Товчооны гишүүн, Шанхай хотын Намын хорооны нарийн бичгийн дарга
1994-1995: ХКН-ын Төв Хорооны Улс төрийн Товчооны гишүүн, ХКН-ын Төв Хорооны нарийн бичгийн дарга нарын газрын гишүүн
1995-1997: ХКН-ын Төв Хорооны Улс төрийн Товчооны гишүүн, ХКН-ын Төв Хорооны нарийн бичгийн дарга нарын газрын гишүүн, Төрийн Зөвлөлийн Ерөнхий сайдын орлогч
1997-1998: ХКН-ын Төв Хорооны Улс төрийн Товчооны гишүүн, Төрийн Зөвлөлийн Ерөнхий сайдын орлогч
1998-1999: ХКН-ын Төв Хорооны Улс төрийн Товчооны гишүүн, Төрийн Зөвлөлийн Ерөнхий сайдын орлогч бөгөөд ХКН-ын Төв хорооны том аж ахуйн нэгжийн асуудал эрхэлсэн хэлтсийн нарийн бичгийн дарга
1999-2002: ХКН-ын Төв хорооны Улс төрийн товчооны гишүүн, Төрийн Зөвлөлийн Ерөнхий сайдын орлогч, Төрийн Зөвлөлийн намын удирдах бүлгийн гишүүн бөгөөд ХКН-ын Төв Хорооны том аж ахуйн нэгжийн асуудал эрхэлсэн хэлтсийн нарийн бичгийн дарга
2002.11: ХКН-ын Төв Хорооны Улс төрийн Товчооны Байнгын хорооны гишүүн, Төрийн Зөвлөлийн Ерөнхий сайдын орлогч, Төрийн Зөвлөлийн намын удирдах бүлгийн гишүүн бөгөөд ХКН-ын Төв Хорооны том аж ахуйн нэгжийн асуудал эрхэлсэн хэлтсийн нарийн бичгийн дарга
2003.3: БХАТИХ-ын Байнгын Хорооны дарга.
2008 онд Байнгын хорооны даргаар улиран сонгогдсон байна.
