Айлын том: “Х Түц” хамтлагийн жүжигчин Гансүхийн Нарансолонго гурван хүүхэдтэй айлын ууган охин. Олон ижил дугуйны нэг шиг л… Айлын том ч гэсэн тэрээр багадаа маш эрх дураараа мөн даруухан хүүхэд байжээ. Гэхдээ хүүхэд л  болсон хойно дүрсгүйтэх үе байлгүй яахав. Г.Нарансолонгын эцэг, эх нь насаараа хүнсний байгууллагад ажилласан хүмүүс. Тэд мэргэжилдээ их хайртай.Одоо ч салбартаа ажиллаж байна.

Багын төрх:  Түүний бага нас 1990-ээд оны картын барааны хүндхэн үед өнгөрсөн. Гэсэн ч орос тоглоомтойгоо.  Д.Нацагдоржийн “Миний нутаг” шүлгийг цээжээр уншдаг байсан 4 настай жаахан Г.Нарансолонго хожим авъяаслаг жүжигчин болно гэдгээ мэдэж байсан юм шиг. “Хүүхдийн орд”-ны жүжгийн ангийн дугуйлангаас СУИС-руу шууд элсэж  тэрээр багадаа  эмч эсвэл багш болохыг хүсдэг байжээ. Гэвч түүний хүсэл хожим өөрчлөгдсөн нь энэ. 

Хорин жил: Дээрх зургаас хорь гаран жилийн дараа. Гансүхийн гурван хүүхэд гурвуулаа өсч өндийж явна. Г.Нарансолонго 2002 онд их сургуулиа төгсөөд бас л шууд “Х Түц” хамтлагт жүжигчнээр орж ирэв. “Х түц” –ээс урваж шарвалгүйгээр ажилласан энэ 11 жил түүнд өчнөөн зүйлийг өгч чаджээ.

Шинэ жил: "Sweetymotion"-ийг Emotion байх цагт Аглуу сантатай шинэ жилийн баяраа тэмдэглэв. Таньдаг хүн олон.

Фото: Түүнд ийм хэлбэрээр авахуулсан олон зураг бий.

Нэг үеийнхэн: "Шинэ үе"-ийн хоёр, "Х түц"-ийн хоёр гэдэг зураг. Г.Нарансолонго, Төтө хоёр их сургуулийн нэг ангийн найзууд. Гэхдээ тэднийг ах, дүүс шиг харагддаг гэж зарим хүмүүс ярьдаг.

Нэг хамтлагийн нилээн хэдэн хос: Хошин урлагийн хамтлагуудаас хамгийн шилдэг нь гэж хэлэгддэг тус продакшнаас гурван хос төржээ. “Х түц”-д нэг зарчим мөрдөгддөг. Хэн чадаж байгаа нь хийнэ ээ гэж... 

Хэн чадаж байгаа нь хийнэ ээ гэж..: Дуулиант "Аянгын бороо", "Нэгдүгээр сарын 16-ний шөнө", “Миний хөрш чөтгөр”, “Харьд одсон бүсгүйн заяа”, “Мөрөөдлийн хөлөг онгоц”, “Зүүд шиг хайр” гэх мэт тайз дэлгэцийн бүтээлийн гол дүрийн баатар Г.Нарансолонгыг өсөх ирээдүйтэй чадварлаг жүжигчин гэж мэргэжилтнүүд нь үнэлдэг юм байна лээ.

"Temka`s Family": Ийм нэртэй хамтлагийнхан дуулж, бүжиглэн телевизийн рекламанд тоглож байсныг санаж байгаа байх. Г.Нарансолонгын анхны нөхөр Германд найруулагчийн мэргэжлээр суралцаад ирэхдээ сэтгэл нь хувирчихсан байсан гэдэг. Ингээд тэрээр охиноо ганцаараа өсгөсөн. Том охин нь өдгөө 12 настай. Харин хэдхэн жилийн өмнө жүжигчин С.Тэмүүжинтэй гэрлэсэн. Тэд хоёр хүүхэдтэйгээ гэр бүлийн зураг татуулжээ.

Хүү:  Тэмка, Г.Нарансолонго хоёр 2010 оны цэргийн баяраар хүүтэй болсон. Хосууд хүүдээ Т.Анар-Од гэдэг нэр хайрлажээ.

Өнгө: Байгалийн өнгө, гэрэл түүнийг улам үзэсгэлэнтэй харагдуулна.

Шинэ жил: 33 настай Г.Нарансолонгыг хүмүүс ер оворгүй гэдэг.

Дүрүүд:  "Хүүхдийн ордон"-ны сурагчаас ирээдүйтэй оюутан, оюутнаас чадварлаг жүжигчин хүртэл мэрийж чадсан түүнийг  цаашид олон сайхан дүрээр нь бид хүлээж авна гэдэгт эргэлзэлгүй найдаж байна.

24tsag.mn