Мэдээллийн SakhaNews агентлаг Якутад осолд орсон 4 монгол иргэнийг
аварсан тухай мэдээлжээ. Уржигдар “Истана” маркийн микроавтобустай 3
эрэгтэй, 1 эмэгтэй хүн онцгой байдлын эргүүлтэй азаар таарчээ. Ганц
эмэгтэй нь бага зэргийн шалбаралт, зулгаралттай байсныг эс тооцвол
монголчууд бэртэж гэмтээгүй байсан байна. Мэдээллийн SakhaNews агентлаг Якутад осолд орсон 4 монгол иргэнийг аварсан тухай мэдээлжээ. Уржигдар “Истана” маркийн микроавтобустай 3 эрэгтэй, 1 эмэгтэй хүн онцгой байдлын эргүүлтэй азаар таарчээ. Ганц эмэгтэй нь бага зэргийн шалбаралт, зулгаралттай байсныг эс тооцвол монголчууд бэртэж гэмтээгүй байсан байна.
Аврагчдын нэг Анатолий Заболоцкийн тусламжтайгаар монголчуудтай хэл нэвтрэлцсэн байна. Тэрээр өмнө нь Монголд олон жил ажиллаж байсан ажээ. Жолоочийн ярьснаар бол микроавтобусны хойд дугуй хагарч буудахад тэрэг нь замаас гарч бүтэн хөрвөөгөөд хажуугийн хунгарт дөрвөн дугуйн дээрээ тогтжээ. Тэр гүн хунгар хүмүүс гэмтэж, машин хэмхрэхээс хамгаалж өгсөн бололтой.
Монголчууд Якутск хотод амьдардаг нутаг нэгтнийхээ насны ойд оролцоод буцаж явжээ. Уул нь тэд хоёр машинаар цуварч явсан юм байна. Хоёр эрэгтэй, нэг эмэгтэй суусан суудлын тэрэг нь ард яваа микроавтобусаа алга болчихоор буцаж очжээ. Замын хажуугийн хунгар руу онохолдсон тэргээ гаргах гэж тэд оролдсон ч бүтэлтэй юм болсонгүй. Ослоос хойш 20-хон минутын дараа аврагч нар өөрсдөө ирсэнд тэд ихэд гайхсан байна.
Монгол эмэгтэйчүүдийг дулаацуулах гэж аврах албаны орлогч дарга Геннадий Алексеев зам дагуу 10 км зайд орших цайны газар хүргэж өгсөн байна. Тэндээсээ мань хүн холын тээврийн том тэрэгний жолооч нарыг гадаадын микрог цаснаас гаргаж өгөхийг хүсчээ. Хэд хэдэн ачааны тэрэгний жолооч ослын газар руу дуртай нь аргагүй ухасхийж монголчуудын машиныг чирч гаргажээ. Якутын аврах албаны хэвлэлийн мэдээнд дурдсанаар монголчууд баярласан талархсанаа илэрхийлж аврагч, жолооч нарын гарыг тун ч удаан атган сэгсэрсэн байна.
www.24tsag.mn
Сэтгэгдэл (8)