24tsag.mn facelook булангийнхаа энэ удаагийн дугаарт Монголын рок поп урлагт тод мөр үлдээсэн нэгэн уран бүтээлчийг гэрэл зургуудынх нь хамт урилаа. Энэ бол хөгжмийн урлагт нэртэй, мөртэй яваа гитарчин Д.Өлзий-Орших буюу Өөжгий юм. Түүний амьдралыг товч өгүүлэх гэрэл зургуудтай нь танилцана уу.
Дэлчгэр хүү: Өөжгийгийн уугуул нутаг нь
Улаанбаатар хот, ундаалсан ус нь Туул гол. Тэр насаа хэлэх дургүй бөгөөд
үе чацуутнууд нь түүний насыг баримжаагаар мэдэж болох л юм. Багын л сэргэлэн,
гялалзсан, гялтганасан, сахилгагүй нөхөр байсан болохоор энэ
зангаа даган хөгжимчин
болсон биз.
“Авъяас”: Дунд сургуулиа төгсөөд багш
болохоор МУИС-ийн түүхийн ангид орж шалгуулах гэж байхад МУСТА, хөгжимчин
"Хоовон" Энхбаяр ах нь түүнийг урлаг руу уруу татаж орхисон гэдэг. Долдугаар
ангийн хүү зусланд амарч байхдаа банзан гитарын анхны барилтыг Г.Энхбаяр
ахаараа заалгаж "Зуслангийн халгай" хамтлагийг байгуулж байжээ. Төрөлхийн авъяас болохоор гитарыг маш хурдан сурсан гэдэг. Энэ
үеэс тэр гитар хөгжимтэй амьдралаа холбожээ.
Анхны цалин:
Залуу байхдаа Өөжгий царайлаг басч үгүй туранхай байсан болохоор үргэлж
охидын
анхаарлын төвд байсан гэдэг. Одоогоор бол “star” юм даа. Тэрээр ажлын
гараагаа "Хөх тэнгэр" хамтлагаас эхлүүлсэн. Анхны цалин болгож 300
төгрөг авч байснаа дурсан ярих дуртай.
Дурсамж: Сайн харвал таньдаг хүн олон. Мөн ч залуухан байж дээ.
Дурсамж: Сайн харвал таньдаг хүн олон. Мөн ч залуухан байж дээ.
25 жил: Монголын урлагт тасралтгүй 20 гаруй жил хөдөлмөрсөн түүнийг энэ зурган дээрхээс өөр дүр төрхөөр бид төсөөлж чадах болов уу. Амьдрал бол
хүүрнэж дуусашгүй баян, тааж хэлэх аргагүй сонин хачнаар дүүрэн хөлөг
онгоц гэлтэй. Үүнтэй адилаар Өөжгий 20 гаруй жилийн хугацаанд олон сайхан бие даасан уран бүтээл, тоглолт, шилдэг дууны аяуудыг зохиож монголчуудын хайртай хөгжимчин болж чаджээ.
Ховор зураг: 2000 онд. Монголын рок поп урлагийнханы нэг дор цугласан ховор агшин түүний гэрэл зургийн цуглуулганд байдаг. Өөжгийг олоорой.
Шилдэг: Монголын рок поп урлагийн гитар хөгжмийг Д.Өлзий-Орших, Ц.Энхманлай, Д.Отгонбаяргүйгээр төсөөлшгүй. Гитар хөгжмөөр илэрхийлж болох "Хамгийн сайхан" гэх зүйлийг энэ гурав л чиглүүлж, залж, удирдаж
гардан хийдэг гэлтэй.
Хийлч: Залуу шинэ үеийнхэндээ мэддэг чаддаг бүхнээ зааж сургах нь түүний үүрэг мөнөөсөө мөн.
Хийлч: Залуу шинэ үеийнхэндээ мэддэг чаддаг бүхнээ зааж сургах нь түүний үүрэг мөнөөсөө мөн.
Эхнэр: Өөжгийг хүүхний тэнгэртэй гэж хэвлэлээр ярьж, бичдэг. Тэрээр ерээд оны сайхан бүсгүйчүүдийн нэг мисс Ц.Түмэнхүслэнтэй нэг гэрт орж, үрийн зулай үнэрлэн аав болсон ч хос хоёрын харилцаа удаан үргэлжлээгүй. Олон жил гоонь явсан авьяаслаг залууг жүжигчин Анхням, топ модель Ч.Уранбилэг гэх мэт монголын үзэсгэлэнт бүсгүйчүүдтэй нэгэн цагт нэр холбож байлаа. Харин тэрбээр өнгөрсөн тавдугаар сараас Үндэсний дуу бүжгийн эрдмийн чуулгын бүжигчин Амаржаргал гэдэг бүсгүйтэй хамтран амьдарч байгаа билээ.
Анхны удаа: Өөжгий монголд анх удаа задгай талбайн тоглолтонд утастай гитараа орхиж, ipad-н дээр суурилсан электрон гитар дарж байсан удаатай. Гэхдээ тэр гитараас өөр зүйл сонирхдог юм шүү. Түүний мөрөөдөл бол дэлхийн сүүлийн үеийн Ferrari машин хөлөглөж хурдны замаар давхих гэнэ. Тэрээр өмнө нь машины хэд хэдэн уралдаанд уралдаж байжээ.
Тэмцэгч: Ойрноос түүнийг амь барьж дуулдаг дуучдын эсрэг дуугарч бүр ШӨХТГ-тай хамтарч ажиллаж байгаа гэж хэвлэлээр бичиж байгаа. Харин энэ зургийг тамхинаас гарахыг уриалж авахуулжээ.
24tsag.mn
Сэтгэгдэл (15)