Улсын нууцад хамаарах баримт задруулж, гадаадын тусгай албаныханд дамжуулсан хэрэгт буруутгагдаад байсан ТЕГ-ын Сөрөх тагнуулын албаны дарга асан хурандаа В.Нямхандыг шүүх хурал Хан-Уул дүүргийн шүүхэд өнөөдөр боллоо. Шүүх хурлаас түүний хэргийг хэрэгсэхгүй болгох шийдвэр гаргажээ. Яагаад ийм шийдвэр гаргасан талаар Нийслэлийн шүүхээс 17.00 цагт мэдээлэл өгөхөөр болжээ.

    В.Нямхандыг Сөрөх тагнуулын албанд ажиллаж байхдаа төрийн нууцад хамаарах баримт бичгийг хятадуудад задруулж, улмаар 100 сая төгрөгийн гэрээг нууцаар хийсэн гэж хууль хяналтын байгууллага үзсэн юм.
Тиймээс Эрүүгийн хуулийн 79.1-д зааснаар Монгол Улсын иргэн тус улсын тусгаар тогтнол, үндэсний аюулгүй байдал, батлан хамгаалах хүчин чадалд хохирол учруулах зорилгоор гадаад улсын тагнуулын албанд элссэн, төрийн нууцыг гадаад улс, түүний тагнуулын албанд шилжүүлэн өгсөн, Монгол Улсын эсрэг дайсагнасан үйл ажиллагаа явуулдаг гадаад улсын байгууллагатай хамтран ажилласан, дайны байдалд буюу дайн бүхий байдал зарласан үед дайсны талд шилжин орсон гэсэн үндэслэлээр буруутгаж байсан юм.