Нярай хүүхдэд зориулсан сүүн тэжээлийн үйлдвэрийг Улаанбаатар хотод байгуулахаарй ҮХААЯ-наас төлөвлөөд байна.
     
 Энэ үйлдвэрт хоногт таваас доошгүй тонн сүү хүлээн авч, нярай хүүхдэд зориулсан бүтээгдэхүүн үйлдвэрлэх юм. Уг ажил нь одоогоор техник эдийн засгийн үндэслэлийг боловсруулах шатандаа явж байгаа бөгөөд Худалдан авах ажиллагааны газар тендерт материалаа ирүүлсэн компаниудын саналтай танилцаж байгаа аж.
 Манай улсын сүүний үйлдвэрүүдээс "Мон сүү" компани л хүүхдийн сүүн тэжээлийн жижиг үйлдвэртэй. 1991 оноос тасралтгүй ажиллаж байгаа тус үйлдвэр хүүхдэд зориулсан аарц, ээдэм, хүүхдийн илчлэг тэжээл, сүү, тараг зэрэг 20-иод нэр төрлийн бүтээгдэхүүн хэрэглэгчдэд нийлүүлдэг ч нийслэлчүүдийн эрэлт хэрэгцээг бүрэн хангаж чадахгүй байгаа юм.
Шинээр байгуулах нярайн сүүн тэжээлийн үйлдвэрт "Мон сүү" компанийн адил нийслэлийн болон Төв аймаг орчмын үнээний фермүүдийн цэвэр сүү ашиглах юм.