Олимпийн таеквондогийн улсын аварга шалгаруулах 20 дугаар тэмцээн өнөөдөр өндөрлөж аварга тамирчдаа тодруулна.

 Гурван өдөр үргэлжилсэн энэ удаагийн тэмцээнд хот хөдөөгийн 31 байгууллагын эрэгтэй 219, эмэгтэй 96 нийт 315 тамирчин эрэгтэй долоо, эмэгтэй зургаан жинд хурд хүч авхаалж самбаагаа сорин өрсөлдөж байгаа юм. Тэмцээнд хөдөө орон нутгаас Дорнод, Сэлэнгэ, Төв, Булган, Орхон, Дархан, Өвөрхангай, Говь-Алтай, Ховд, Завхан, Говьсүмбэр, Дорноговь, Хөвсгөл, Зүүнхараа, Хөтөл, Багануур, Налайх зэрэг аймаг, хотын баг тамирчид иржээ.

Энэхүү УАШТ-ий гол онцлог нь Монголын таеквондогийн холбооноос тэмцээнийг шударга зохион байгуулах үүднээс цахим онооны системийг ашиглахын зэрэгцээ маргаантай асуудлыг видео бичлэг дахин үзэж шийдвэрлэж байгаа нь тэмцээнийг шударга, өрсөлдөөнтэй болгож байгаа юм.

УАШТ-ээс шалгарсан тамирчид ирэх долдугаар сарын 4-9-нд БНСУ-ын Чуньчон хотноо болох  "Кореа Опэн",  мөн 10-15 нд Мужу аймагт зохиогдох "Таеквондо Экспо" тэмцээн болон 15-21-нд Мексик улсад болох Дэлхийн аварга шалгаруулах тэмцээн, 10 дугаар сарын 7-9-нд БНХАУ-ын Тяньжин хотноо болох Зүүн Азийн наадамд улсаа төлөөлөх эрхтэй болно.