Олон улсын театрын өдрийг тохиолдуулан монголын театрын урлагийнхан шилдгүүдээ өчигдөр тодрууллаа.
    Арав дахь удаагаа зохиогдож буй энэ жилийн “Гэгээн муза” наадамд Драмын, Нэг хүний, Хүүхдийн, Инээдмийн жүжиг гэсэн дөрвөн төрөлд нийт 16 жүжгийн 60 гаруй уран бүтээлч өрсөлдсөн юм.
    УДЭТ-ын найруулагч Ч.Найдандоржийн “Эсрэг дурлал” жүжиг драмын жүжгийн төрөлд  гурван номинацид шилдгээр шалгарснаас гадна шилдгийн шилдэг гран-при шагналыг хүртлээ.  Мөн тус жүжгийн гол дүрд тоглосон УДЭТ-ын жүжигчин Б.Тамир оны шилдэг залуу уран бүтээлч болж муза хүртсэн юм.
Энэ жил "Гэгээн Муза"-д Серби, АНУ, Косово улсын театрын уран бүтээлчид оролцсоноороо онцлог болов.

 “Гэгээн муза-2012” наадмын шилдгүүдийг толилуулж байна.

 Шилдгийн шилдэг гран-при: Найруулагч Ч.Найдандорж “Эсрэг дурлал” жүжгээр

Драмын жүжгийн төрөлд:
•    Оны шилдэг жүжгийн найруулагч: Ч.Найдандорж / “Эсрэг дурлал” жүжгээр/
•    Оны шилдэг хөгжмийн зохиолч: С.Сансаргэрэлтэх /“Гамлет” жүжгийн хөгжмөөр/
•    Оны шилдэг эрэгтэй гол дүр: С.Болд-Эрдэнэ /“Гамлет” жүжигийн Гамлетын дүрээр/
•    Оны шилдэг эмэгтэй гол дүр: Н.Цэнд-Аюуш /“Хоёр ертөнцийн буудал” жүжгийн бүсгүйн дүрээр/
•    Оны шилдэг эрэгтэй туслах дүр: Д.Ихбаяр /“Хоёр ертөнцийн буудал” ерөнхийлөгчийн дүрээр/
•    Оны шилдэг эмэгтэй туслах дүр: Ж.Оюундарь /“Эсрэг дурлал” жүжгийн шивэгчний дүрээр/

Нэг хүний жүжгийн төрөлд:
•    Оны шилдэг жүжгийн найруулагч Б.Баатар /”Би Эдит Пиаф байна” жүжгээр/
•    Оны шилдэг тайзны зураач: Ч.Эрдэнэбаатар /“Хоосон зүүд” жүжгээр/
•    Оны шилдэг эрэгтэй гол дүр: Mentor Zymberaj /“Хайрцаган доторх жүжигчин” жүжгийн дүрээр/ Молдов улс
•    Оны шилдэг эмэгтэй гол дүр: Д.Ганцэцэг /“Бурханд илгээсэн захидал” жүжгийн Оскарын дүрээр/

Хүүхдийн жүжгийн төрөлд:
•  Оны шилдэг жүжгийн найруулагч: Ч.Түвшин /“Чипполинд тохиолдсон адал явдал” жүжгээр/ Архангай аймгийн ХДТ
•    Оны шилдэг тайзны зураач: Б.Бямбацэрэн /“Лусын хааны охид” жүжгээр/ Хүүхэлдэйн театр
•    Оны шилдэг хөгжмийн зохиолч: Б.Мөнхболд /“Лусын хааны охид” жүжгээр/ Хүүхэлдэйн театр
•  Оны шилдэг эрэгтэй гол дүр: Ц.Түвшинжаргал /“Чипполинд тохиолдсон адал явдал” жүжгийн Чипполины дүрээр/ Архангай аймгийн ХДТ
•  Оны шилдэг эмэгтэй гол дүр: Б.Жаргалсайхан /“Чипполинд тохиолдсон адал явдал” жүжгийн Улаан луувангийн дүрээр/ Архангай аймгийн ХДТ
•   Оны шилдэг эрэгтэй туслах дүр: Ц.Цэрэндорж /“Лусын хааны охид” жүжгийн Алиа тийрэнгийн дүрээр/
•   Оны шилдэг хүүхдийн жүжгийн зохиолч: Ц.Хулан / “Лусын хааны охид” жүжгээр/

Инээдмийн жүжгийн төрөлд:
• Оны шилдэг тайзны зураач: Ч.Эрдэнбаатар /“Скапений дамшиглал”/ Дорноговь аймгийн Саранхөхөө театр
•   Оны шилдэг эрэгтэй гол дүр: А.Баярсайхан /“Скапений дамшиглал”/ Скапений дүрээр
•   Оны шилдэг найруулагч: Н.Пүрэвдорж / “Скапений дамшиглал” тус тус хүртлээ.