Уул уурхайн яамны Түлшний бодлогын хэлтсийн болоод Газрын тосны газрын холбогдох албаны хүмүүс Роснефть компанитай шатахууны үнэ бүрдэлтэнд ил тод байдлыг бий болгох гэрээ хийхээр ОХУ-д ажиллаж байна.

    Уул уурхайн яамны Түлшний бодлогын хэлтсийн болоод Газрын тосны газрын холбогдох албаны хүмүүс Роснефть компанитай шатахууны үнэ бүрдэлтэнд ил тод байдлыг бий болгох гэрээ хийхээр ОХУ-д ажиллаж байна.

Энэ сарын 19-нд Газрын тосны даргаар ахлуулсан ажлын хэсэг БНХАУ ажиллах үеэр манай улсаас экспортолж байгаа “Дачин-33” ангилалын газрын тосны үнэтэй уялдуулж өрсөлдөх чадвартай үнээр нефтийн бүтээгдэхүүн импортлох гэрээ байгуулсан. Үүнтэй нэгэн адил гэрээ байгуулахаар ОХУ-ыг зорьжээ.

“Роснефть” компаниас нийлүүлж байгаа бүтээгдэхүүний үнэ зах зээлийн үнээс өндөр буюу өрсөлдөх чадвар сул байгаагаас тухайн сард нийлүүлэх шатахууны 50 орчим хувь нь өөр эх үүсвэрээс нийлүүлэгдэж байна.

 Тухайлбал, Швейцарийн Ганвор компаниас импортлогч компаниуд гэрээ хийж 20000 орчим тонн бүтээгдэхүүн, энэ оны 1-2 дугаар сард БНСУ-аас 14000 тонн бүтээгдэхүүн, БНХАУ-ын компанитай гэрээ байгуулж сард 10,000 тн хүртэлх шатахууныг /АИ-92, дизель/ 100-150 ам.долларын хямд үнээр авахаар болсон байна.