БХБЯ-ны зүгээс ууттай цементийг нэг тонныг нь 160.000, задгай цементийг 170000 төгрөгт барих санал гаргасан нь эсэргүүцэлтэй тулгарчээ.

   

    БХБЯ-ны зүгээс ууттай цементийг нэг тонныг нь 160.000, задгай цементийг 170000 төгрөгт барих санал гаргасан нь эсэргүүцэлтэй тулгарчээ.

    Задгай цементийг 170.000, ууттай цементийн тонн тутмыг нь 180.000 төгрөгөөр борлуулах саналыг цементийн ченжүүд гаргасан байна. Тэд Эрээнээс Зам-Үүд хүртэл тээвэрлэхэд  Замын –Үүдээс нийслэлд ирэх хэмжээний зардал гардаг. Тээврийн зардал 1000 төгрөгөөр нэмэгдчихлээ. Тээвэрлэлт, юаны зөрүү, гааль гээд бидэнд бэрхшээл бий. Яамны үнийн саналыг бол хүлээн авах боломжгүй. Бид ууттай цементийг задлаад задгайгаар зарах юм уу. Задгай цементийн хувьд технологийн хувьд маш их ажиллагаатай учраас зардал өндөр гардаг” хэмээн тайлбарлажээ. 

 Барилгын талбайд ууттай бус задгай цемент хэрэглэж байх албан ёсны журам гарсан байна. Гэхдээ тусгай зориулалтын тоног төхөөрөмж ашиглан задгай цементийг хүргэх ёстой аж. Манайд энэ бүх шаардлагыг хангасан 4-5 компани байдгийг үйлдвэрлэгчид ярив.  БХБЯ-наас үнийн асуудлыг дахин хэлэлцэж задгай цементийг тонн тутмыг нь 175000, ууттайг нь 165000 төгрөгөөр борлуулах шийдвэр гаргасан байна. Өнгөрсөн жил барилгын ид ажлын үед  тонн цемент 200 000-220 000 төгрөгт хүрч байжээ.