Ерөнхий сайдтай хамт төөрсөн гэх 70 гаруй хүний дунд Засгийн газрын Хэрэг эрхлэх газрын дарга Ч.Сайханбилэгээс гадна УИХ дахь Ардчилсан намын бүлгийн гишүүд, түүний хүү байсан гэж эх сурвалж мэдээлж байгаа. Харин хэн хэн ууланд авиралт хийхээр Ерөнхий сайдтай хамт явсан талаарх мэдээллийг талууд нууцалж буй юм. Ч.Сайханбилэгийн хуруу, хөлний үзүүр хөлдсөн байгаа боловч энэ нь баттай биш юм. Ямартаа ч Засгийн хэвлэлийн алба хийгээд холбогдох албаныхан үүнийг нууцалж бодит мэдээллийг өгөхгүй байна.

 Онцгой байдлын ерөнхий газрын зүгээс Засгийн газрын Хэвлэлийн албатай холбогдож мэдээллийг ав гэсэн ч  тэд мэдээлэл өгөхөөс зугатаж байгаа юм. Мөн эмнэлгийн тусламж үзүүлэх чиг үүрэгтэй Эрүүл мэндийн яамныхан ч мэдээлэл өгөх боломжгүйгээ байгаагаа хэлэв.

Ямар ч байсан, Засгийн газраас хамгийн сүүлд өгсөн мэдээллээр Ерөнхий сайд тэргүүтэй 10 гаруй хүнийг эхний ээлжинд нисдэг тэргээр Улаанбаатар хотод авчраад байна. Албан бус мэдээллээр бол Ерөнхий сайд хоёрдугаар эмнэлэгт үзүүлж, эмч нарын хяналтад орчихоод гэр рүүгээ явсан. Мөн 15.00 цагийн байдлаар Багануур дүүргийн эмнэлэгт 20 гаруй хүн хүлээн авахаар бэлтгэл хангаад байгаа ажээ.