УИХ-ын гишүүн Н.Номтойбаяр Ерөнхий сайд Н.Алтанхуягийг Бурханхалдун ууланд гацаж, сүр дуулиан дэгдээсэнд ихээхэн дургүй нь хүрчээ. Тэрбээр хэрэг явдлын дараа “Норовын хүүд Бурхан халдун томдоно шүү дээ. Зуун мод явахад таардаг жижиг дов руу гарахгүй дээ” хэмээн хэлсэн байна.

Н.Номтойбаярыг “Мак эвэйшн” хэмээх нисэх онгоцны компанитай гэдэг. Тэрбээр энэхүү бизнесээ ч дургүйцэлдээ ашиглаад амжлаа. Ерөнхий сайдыг аврах гэж явсан нисдэг тэрэг цагт 5640000 төгрөг зарцуулдаг хэмээн Н.Номтойбаяр бичжээ. Аврах ажиллагаанд гурван нисдэг тэрэг дайчлагдаж, 5-6 цаг эрж хайх ажиллагаа хийсэн гэвэл Ерөнхий сайлыг олох ажилд 85.200.000 мянган төгрөг зарцуулсан гэж тэрээр тооцоолов.