2012-2013 оны хичээлийн жилийн улсын олимпиад математик, физик, хими, биологи, монгол хэл, бичиг, англи хэл, орос хэл, түүх, нийгмийн ухаан, газарзүй, техник, технологи, мэдээлэл зүй, сэтгэх чадвар, хятад хэл гэсэн 13 төрлөөр ерөнхий боловсролын сургуулийн багш, сурагчдын дунд зохион байгуулагдаж байна.

Олимпиадын сүүлийн шат буюу 3-ын даваа 2013 оны 5 дугаар сарын 4-11-ний өдрүүдэд болох бөгөөд үүнд орон нутаг, нийслэлээс шалгарсан 1237 багш, сурагч оролцоно.

Сурагчдын авьяас чадварыг нээн хөгжүүлж, мэргэжлийн чиг баримжаа олгох, багш нарын мэдлэг, ур чадварыг дээшлүүлэх зорилготой олимпиад нь энэ жилийн хувьд тухайн шинжлэх ухааны онцлог, ач холбогдлыг нийтэд таниулах, шилдэг багш, тэргүүний сурагчдын амжилт, туршлагыг сурталчлах зорилготой уулзалт, лекц, телевизийн нэвтрүүлэг, үзэсгэлэн зохион байгуулах зэргээр нилээн өргөн хүрээнд зохион байгуулагдаж байгаагаар онцлог юм байна. Тухайлбал, Математикийн олимпиадын хүрээнд "Математик ба авьяас" сэдэвт чуулган, Биологийн олимпиадын хүрээнд нийт оролцогчдод зориулсан "Орчин үеийн биотехнологийн хөгжлийн хандлага ба генийн инженерчлэл" сэдэвт лекц, Мэдээлэл зүйн олимпиадын хөтөлбөрт сурагчдын бүтээлийн үзэсгэлэн, Үндэсний дата төвтэй танилцах аялал, "Мэдээлэл зүйн хичээлээр хүүхдийн хөгжлийг дэмжих" сэдэвт багш нарын туршлага солилцох уулзалтыг тус тус зохион байгуулж байна.
Төрөлжсөн олимпиадууд доорхи хуваарийн дагуу явагдаж, аваргуудаа тодруулах ажээ.

2012-2013 ОНЫ ХИЧЭЭЛИЙН ЖИЛД УЛСЫН ОЛИМПИАД ЗОХИОН БАЙГУУЛАХ ХУВААРЬ