Нийслэлийн прокурорын газраас өнөөдөр Ё.Отгонбаяр гишүүний эхнэр О.Эрдэнэсолонготой холбогдох хэргийн талаар мэдээлсэн. Тэгвэл энэ үеэр түүнийг дөрвөн банкинд 21 данстай байсан бөгөөд энэ дансуудаар их хэмжээний мөнгөний гүйлгээ хийдэг байснаас шалгах үндэслэл болсон гэж байв. Зоос, Голомт, Худалдаа хөгжил, Улаанбаатарын хотын банк зэрэг томоохон банкуудад тэрээр 21 данс эзэмшдэг гэхээр Монголдоо л хамгийн олон данстай хүмүүсийн тоонд орох юм. Энэ хэрэгтэй холбоотой банкуудад шалгалт хийж байгааг ч Ц.Батболд прокурор энэ үеэр онцоллоо.   Ямартаа ч банкуудад шалгалт хийх явцад гишүүний эхнэрийн  дансны тоо нэмэгдэх магадлалтайг ч үгүйсгэхгүй юм.