Өнгөрсөн хоёрдугаар сард Тагнуулын ерөнхий газрын, Сөрөх тагнуулын газрын хэлтсийн дарга, хурандаа Д.Цогтбаатарыг сэжигтнээр татан УМБГ-т  шалгаж байна гэж хэсэгтээ л шуугиж байсан.  Харин  эл  мэдээллийг тус газраас үгүйсгэж  байсан боловч тухайн үед хууль хя¬налтын байгууллага  дээрх эрхмийг шал¬гаж байгаа нь үнэн гэж хоёр талтай мэдээлэл гарч иргэдийг төөрөгдүүлж байсан юм. Тэгвэл  энэ талаар Цагдаагийн ерөнхий газрын Хэвлэл мэдээллийн төвийн дарга, цагдаагийн хурандаа Т.Сайнжаргалаас тодруулахад "Цогтбаатарыг улсын мөрдөн байцаах газар шалгаж байгаа нь үнэн. Энэ хүнийг сураггүй алга болсон гадаадын иргэнийг эрэн сурвалжлах хэрэгт холбогдуулан шалгаж байна" гэсэн билээ. Өөрөөр хэлбэл түүнийг алга болсон гадаадын нэгэн иргэний хэрэгт сэжиглэж байгаа бололтой. Эх сурвалжийн мэдээлж буйгаар тэр алга болсон гээд байгаа хүн нь ХБНГУ-ын иргэн Масимлян Лёонхарт Клойбер гэгч аж. Тэрбээр 2004 онд манай улсад ирсэн бөгөөд өдгөө ор сураггүй алга болжээ. Түүнийг ХБНГУ-ын хууль хяналтын байгууллагаас луйврын томоохон хэрэгт холбогдуулж эрэн сурвалжилж буй гэнэ. Ямартаа түүнийг Монголд нуугдан амьдарч байхдаа ТЕГ-ын Сөрөх тагнуулын газрын ажилтан Д.Цогтбаатартай дотно харилцаатай байсан гэдгийг эх сурвалжууд нотолсноор Д.Цогтбаатарыг шалгах хэрэг эхэлжээ. Ямартаа өнөө өглөө Д.Цогтбаатарыг шалгахаар Германы тагнуулийн байгууллагийн хоёр мөрдөн байцаагч өнөө өглөө ирсэн байна. Манай хууль хяналтынхан уулзаад хамтран ажиллах, шалгах шаардлагатай хэрэг материалтайгаа танилцжээ.