Лениний музейн барилгын асуудлаарх шүүх хурал Чингэлтэй дүүргийн шүүх хурлын танхимд эхэлсэн билээ. Өнгөрсөн долоо хоногт хойшилсон шүүх хурал энэ удаа ямар нэгэн шалтаг шалтгааныг үл харгалзан хойшлохгүй хуралдана гэсэн юм. Тэгвэл шүүх хуралд МАН-ын талаас нэг ч хүн хүрэлцэн ирээгүй ба шүүх бүрэлдэхүүн шүүхийг хүндлэн үзээгүй тул хойшлуулахгүй хэмээн хариуцагчгүй эхлээд байгаа юм байна. Урт удаан хугацаанд намын өмчлөлд ашиглагдсаар ирсэн В.И.Лениний музейг Үлэг гүрвэлийн музей болгон ашиглахын тулд шүүхийн шатанд хэргийг хэлэлцсээр байгаа билээ. Анхан шатны шүүх хуралдаан ашиглагч тал болох МАН-ын хүсэлтээр дөрвөн удаа хойшилсон юм. Гэвч энэ удаагийн шүүх хуралд МАН-ын нэг ч хүн ирсээгүй байна.