Эрдэнэт хотын Уурхайчин соёлын ордонд болсон МАН-аас ерөнхийлөгчийн сонгуульд нэр дэвшигч Б.Бэт-Эрдэнэ иргэдтэй уулзлаа.  Уулзалтын үеэр иргэд "Та "Зэс Эрдэнийн хувь" ХК-ийн үйл ажиллагааг дэмжих үү?" гэсэн асуултанд хариулахдаа "Бидний нэрлэж заншсанаар урт нэртэй хуулийн төсөл буюу "Гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмал хайх, ашиглахыг хориглох тухай хуулиуд"- санаачлан баталснаас хойш Монгол Улс орон даяар 7000 гаруй лиценз олгосон байсны 50 гаруй хувь нь цуцлагдсан байна. Би хариуцлагатай уул уурхайг дэмжих болно" гэлээ. Мөн тэрээр "Зэс эрдэнийн хувь" ХК-ний дэмжигчид Улаанбаатар хотод жагсаал өрнүүлж байх үеэр "Зэс эрдэнийн хувь" ХК-ийн захирал Д.Алтанхуягтай уулзаж түүнийг дэмжиж байгаа тухайгаа илэрхийлж байснаа хэллээ.