Татварын байцаагч хүүхнүүдийг хэрэг одоо ч намжаагүй байна. Өдгөө сэжигтэн Ц.Туяаг ШШГЕГ-ын харьяа цагдан хорих 461 дүгээр ангид саатуулан шалгаж буй. Мөн бүсгүйчүүдийг ийм байдалд хүргэсэн гэх Д.Батболдоос талийгаач болон сэжигтэний тухай мэдээлэл авахаар байцааж байгаа юм. Тэгвэл Ц.Туяад Эрүүгийн хуулийн тусгай ангийн 91 дүгээр зүйлд зааснаар хүнийг санаатай алах, 91.2.3-т зааснаар өс хонзонгийн сэдлээр, 91.2.12-т зааснаар онц хэрцгий аргаар хүний амь нас хөнөөсөн гэх гурван зүйл ангиар эрүүгийн хэрэг үүсгэжээ. Тэгэхээр дээрх зүйл ангид зааснаар түүнийг 15-аас дээш 25 жил хүртэлх хорих ялаар шийтгэх юм. Харин Д.Батболд хэрэгт ямарч оролцоогүй учир хуулийн дагуу түүнийг саатуулах, түүнд хариуцлага хүлээлгэх үндэслэлгүй аж.