Улсын Ерөнхий прокурорын дэргэдэх Мөрдөн байцаах албанд авлига авсан цагдаа нарыг хэргийг шалгаж байсан. Тэгвэл уг таван албан хаагчийн хэргийг тусгаарласан талаар эх сурвалж мэдээллээ. Тодруулбал, Х.Амартүвшин нарт холбогдох их хэмжээний хуш модны самрыг улсын хилээр хууль бусаар нэвтрүүлэхийг завдсан хэрэгт Эрүүгийн хуулийн 161.1, 175.3, 261.1, 272.2-т зааснаар яллах дүгнэлт үйлдүүлэхээр Нийслэлийн прокурорын газарт хүргүүлсэн байна.

 Мөн уг хэргээс цагдаагийн албан хаагч У.Раднаабазар, Б.Төгсбаяр, Д.Энхбаатар, Б.Батбаяр нарт холбогдох 40 сая төгрөгийн авлигал авсан эрүүгийн хэргийг тусгаарлан Эрүүгийн хуулийн 268.2-т зааснаар яллах дүгнэлт үйлдүүлэхээр Нийслэлийн прокурорын газарт шилжүүлжээ.

 Хэргийг сануулбал, цагдаагийн албан хаагчид албан тушаалаа урвуулан ашиглаж, бусдаас онц их хэмжээний хахууль авсан байдаг. Тухайн үед самар хууль бусаар ачиж яваа хятадуудын талаархи мэдээллийг иргэд өгсөн ч цагдаа нар газар дээр нь очоод самрын хууль бус наймаа эрхэлдэг хятадуудтай хуйвалдсан аж. Тодруулбал, хятадууд хэргийг нуух зорилгоор 40 сая төгрөгийг цагдаа нарт өгч самрыг ачуулж, хилээр гаргасан байдаг.