Энэ жилийн баяр наадмаар 570 аж ахуй нэгжид хуушуур зарах зөвшөөрөл олгосон. Төв цэнгэлдэх хүрээлэнд долдугаар сарын 8-нд урианхай сурын харваа эхлэхэд 600 төгрөг байсан хуушуур үнэ нэмж мягмар гарагт 800 төгрөгт хүрсэн. Тэгвэл наадмын нээлттэй зэрэгцэн хуушуурны үнэ 900-1000 төгрөгөөр зарагдаж эхэллээ.

Үхрийн махтай гэж онцолсон өргөст хэмхний хачиртай дөрвөн ширхэг хуушуур багцаараа 16000 төгрөгөөр зарагдаж байсан нь хамгийн үнэтэй байлаа.

Үүнээс гадна хорхог том аягатай нь 8000 төгрөг, тахиа, хонины махан шорлог 4000-5000 төгрөгийн үнэтэй байна. Булганы Сайханы айраг хамгийн эрэлттэй байгаа бөгөөд литр нь 4000 төгрөгөөр зарагдаж байна.