Иргэний нисэхийн ерөнхий газрын дарга асан С.Батмөнхийн төсвийн хөрөнгийг хууль бусаар захиран зарцуулсан гэх хэргийг өнгөрсөн оноос эхлэн Авлигатай тэмцэх газарт шалгаж байгаа. Зарим хэргүүд нь өмнө нь шалгагдаад гэмт хэргийн бүрэлдэхүүнгүй гээд хэрэгсэхгүй болж байсан. Тэгвэл  түүнтэй холбоотой  хэргийг АТГ-т дахин шалгаж эхэлжээ. Улмаар түүнийг цагдан хориод байгаа юм байна. ИНЕГ-ын даргаар ажиллаж байх үедээ мөн л  тендер, сонгон шалгаруулалтыг хууль бусаар явуулсан, бусдад давуу байдал олгож ихээхэн хэмжээний үнэ бүхий худалдан авалт хийхдээ хууль зөрчсөн нөгөө талаар С.Батмөнхтэй холбоотой тэр үйл ажиллагаанд оролцсон хүмүүс нь мөнгө угаасан байж болзошгүй гэж үзэн хэрэгт хамааралтай зарим хүмүүсийг ч цагдан хорьжээ.