Стандартчилал, хэмжилзүйн газрын дарга Г.Энхтайваныг Авлигатай тэмцэх газарт шалгаж байгаа талаар зарим хэвлэл мэдээллийн хэрэгслээр мэдээлсэн.

Тодруулбал, түүнийг албан тушаалаа урвуулан ашигласан мөн ямар ч сонгон шалгаруулалтгүйгээр зах зээлийн үнээс илүү үнээр бараа материал худалдан авсан, хувийн компанид давуу эрх олгож чанар муутай машинуудыг байгууллагадаа шахаж хувьдаа мөнгө завшсан, байгууллагын засвар нэрийн дор ямар ч үр ашиггүй засвар хийж төсвийн хөрөнгийг үр ашиггүй зарцуулсан, тусгай зөвшөөрөл, загварын гэрчилгээг хууль зөрчин олгосон зэрэг асуудлыг шалгаж байгаа гэжээ.

Энэ талаар АТГ-ын Мөрдөн шалгах албаны дарга Э.Амарбат хэлэхдээ “Стандартчилал, хэмжилзүйн газрын дарга Г.Энхтайвантай холбоотой хэд хэдэн гомдол ирсэн. Үүнийг нягталж үзээд гэмт хэргийн бүрэлдэхүүнгүй гэж үзээд Эрүүгийн хэрэг үүсгэхээс татгалзсан байгаа. Харин хууль зөрчсөн сонирхолын зөрчил бүхий асуудлууд байсан. Энэ асуудлаас болж хохирсон гэж үзэж байгаа иргэд бусад хууль хяналтын байгууллага, ялангуай шүүхэд хандсан байгаа. . Түүгээрээ шийдэгдэх байх” гэлээ.