Гэмт хэргийн тухай 247 гомдол, мэдээллийг бичгээр 107, утсаар 10, шуудангаар 96, интернетээр 5, биечлэн 25, факсаар 4-ыг тус тус хүлээн авсан байна. Хянан үзсэнээс 54 гомдол, мэдээлэл буюу 21.8 хувьд эрүүгийн хэрэг үүсгэж, 100 гомдол, мэдээлэл буюу 40.4 хувьд эрүүгийн хэрэг үүсгэхээс татгалзах санал гаргаж, 77 гомдол, мэдээлэл буюу 31.1 хувийг харьяаллын дагуу шилжүүлж, 1 гомдлыг эрүүгийн хэрэгт нэгтгэн шалгасан байх бөгөөд ажиллагаанд 15 гомдол, мэдээллийн үлдэгдэлтэй, шийдвэрлэлт 93.9 хувьтай байна.    Мөн хугацаанд хуульд заасан харьяаллын 477 үйлдэлтэй, 136 эрүүгийн хэрэгт мөрдөн байцаалтын ажиллагаа явуулсан нь 2011 оны мөн үетэй харьцуулахад 23 хувиар өссөн байна.    Мөрдөн шалгасан эрүүгийн хэргийн шийдвэрлэлтийг авч үзвэл 29 хэргийг буюу нийт шалгасан хэргийн 21.3 хувийг яллах дүгнэлт үйлдүүлэхээр, 28 хэргийг буюу 20.5 хувийг хэрэгсэхгүй болгох саналтайгаар, 20 хэргийг буюу 14.7 хувийг харьяаллын дагуу тус тус шилжүүлж, 19 хэргийг буюу 13.9 хувийг өөр эрүүгийн хэрэгт нэгтгэж, эрүүгийн 40 хэрэгт буюу 29.4 хувьд мөрдөн байцаалтын ажиллагаа явуулж байна.
Түүнчлэн, Мөрдөн байцаалтын ажиллагаа явуулж шийдвэрлэсэн болон одоо шалгагдаж байгаа эрүүгийн хэргийн 49 эрүүгийн хэрэг буюу 36 хувь нь хөдөө, орон нутгийн харъяалалтай байна.  Яллах дүгнэлт үйлдүүлэхээр шилжүүлсэн хэргээс 8 хэрэг шүүхээр шийдвэрлэжээ. Мөрдөн шалгасан нийт эрүүгийн хэрэгт 38 тэрбум төгрөгийн хохирол учирсан байх бөгөөд 3.1 тэрбум төгрөгийн хохирлыг мөрдөн байцаалтын явцад барагдуулж, 3.9 тэрбум төгрөгийн эд зүйлийг битүүмжпэн ажилласан аж. Мөрдөн шалгасан хэргүүдэд нийт 11 хүнд 2 сар болон түүнээс дээш хугацаагаар цагдан хорих таслан сэргийлэх арга хэмжээ авчээ. Түүнчлэн мөн хугацаанд 6 хүнийг баривчилжээ.