
Төрийн ордны хойд цэцэрлэгт галт зэвсэг хэрэглэн танхайрч, нийтэд аюултай байдлаар бусдыг заналхийлсэн “Гал үндэстэн” холбооны зургаан гишүүнд холбогдох хэргийг ТЕГ-аас шалгаж байна. Нийслэлийн прокурорын газраас уг хэрэгт хяналт тавьж байгаа бөгөөд зарим хүнийг цагдан хорих хугацаа нь дуусчээ. Тэгвэл эх сурвалжийн хэлж буйгаар Ц.Мөнхбаяр нарт ШШГЕГ-ын харьяа хорих 461 дүгээр ангид долоо хоногийн хугацаанд цагдан хорих, мөн хугацаагаар таслан сэргийлэх арга хэмжээ авсан. Байцаан шийтгэх ажиллагааны нөхцөл байдалд үндэслэн өчигдөр тэдний хорих хугацааг сунгах саналыг Прокурын газраас шүүхэд хүргүүлсэн байна. Улмаар Сүхбаатар дүүргийн шүүхийн захирамжаар тэднийг үргэлжлүүлэн хорихоор болсон аж.
Д.Ундрах /24tsag.mn/
Сэтгэгдэл (32)