Чингэлтэй дүүргийн татварын байцаагч бүсгүйг 75 удаа хутгалж онц хэрцгийгээр хөнөөсөн хэрэг өнгөрсөн долдугаар сарын 1-2-нд шилжих шөнө гарсан билээ. Уг хэргийг хохирогчийн найз гэх Ц.Туяа  үйлдсэн бөгөөд одоо тэрбээр ШШГЕГ-ын харьяа цагдан хорих төвд хоригдож байгаа юм. Тэгвэл түүнд холбогдох шүүх хурал маргааш Баянгол дүүргийн шүүхэд 13.00 цагаас болно. Хуралд Ц.Оюунчимэг, О.Жанчивнямбуу, М.Нармандах, улсын яллагчаар О.Гэрэл, өмгөөлөгчөөр П.Одонтунгалаг, Э.Ганбат, Х.Даваасүрэн нар оролцохоор болжээ.

 Хэргийг сануулбал Чингэлтэй дүүргийн татварын хэлтэст ажиллаж байсан Э гэх эмэгтэйг Т гэгч нь хардалт, өш хонзонгийн сэдэлтээр 75 удаа хутгалж хөнөөсөн байдаг. Т-гийн хувьд 25 жил хүртэлх ял авах магадлалтай байгаа юм.