Чингэлтэй дүүргийн татварын байцаагч бүсгүйг 75 удаа хутгалж онц хэрцгийгээр хөнөөсөн хэргийн шүүх хурал дөнгөж сая Баянгол дүүргийн шүүхэд болсон ч шүүгдэгчийн өмгөөлөгч бие муу ирж чадаагүй учир хойшиллоо. Ц.Туяагийн энэ хэрэг дээр хоёр өмгөөлөгч ажиллаж байгаа бөгөөд Э.Ганбат өмгөөлөгч ирсэн бөгөөд Б.Одонтунгалаг өмгөөлөгч саяхан хагалгаанд орсон тул ирж чадаагүй аж. Тиймээс шүүх хурал энэ сарын 11-ний 10.00 цаг хүртэл хойшиллоо.

Шүүх хуралдаан хойшлох үеэр хохирогч бүсгүй Э-гийн ээж хүлээн зөвшөөрөхгүй нэлээн хурцадмал боллоо. Охиноо алдсан ээж шүүх хуралдааны танхимд сэтгэлээ хөдлөлөө илэрхийлж орилж уйлж, яллагдагчруу дайрч байсан юм. Тэрбээр “Миний охиныг хөнөөсөн алуурчинд цаазын ял өг. Энэ миний охины аминд хүрсэн байхад өнөөдөр хурал нь хойшилж байна. Манай улс цаазын ялтай орон биз дээ.Алуурчин” хэмээн уйлж байсан юм.

Харин шүүх хуралдаанд гэрчээр сууж буй хоёр эмэгтэйн нөхөр Д.Батболдын хувьд гэмшсэн ч шинжгүй шүүх хуралдааныг орхин гарлаа. Түүнээс хэлэх үг байгаа эсэхийг шүүгч асуухад “Ажлаасаа гарсан. Өөр нэмэлт хэлэх зүйл алга” гэсэн зүйл ярьж байв.

Харин хохирогчийн өмгөөлөгч Б.Даваасүрэнгээс зарим зүйлийн талаар тодрууллаа.
-Шүүх хуралдаан ямар учраас хойшлов?

-Шүүгдэгчийн нэг өмгөөлөгч ирээгүй гэсэн шалтгаанаар энэ сарын 11-ний 10.00 цаг хүртэл хойшиллоо.

-Шүүгдэгчид гурван зүйл ангиар эрүүгийн хэрэг үүсгэсэн гэж үнэн үү?
-Шүүх хуралдаан хойшилсон учир энэ талаар мэдээлэл өгөх боломжгүй.

-Хоёр бүсгүйн үхэлд буруутай гэх Д.Батболдын хувьд хохирогчийн ар гэрийнхэнтэй холбоотой байгаа юу?
-Гэр бүлтэй нь холбоо үүсгэсэн зүйл байхгүй. Ямартаа ч шүүх хуралдаан хойшилсон учир хэргийн нөхцөл байдлын талаар ярих боломжгүй. Өөрсдийн санал хүсэлтийг ч тавьж чадсангүй гэв. Ямартаа ч анхан шатны шүүх хуралдаан дээрээс бид дахин мэдээллийг хүргэх болно.