Чингис хааны мэндэлсэн өдөр буюу өчигдөр төрийн Тулганы гал бадраах ёслол болсон. Энэхүү ёслолын ажиллагааны дараа Эдийн засгийн хөгжлийн сайд Н.Батбаярын хэлсэн үг олны анхаарлыг татаад байна. Тэрбээр "Чингис бонд бол Чингис хаанаас бидэнд өгсөн хишиг юм. Их бүтээн байгуулалтыг бидэнд илгээсэн их хишиг юм" хэмээн ярьсан байна. Үүнийг сонссон хүмүүс Н.Батбаяр сайдын хэлснээр Чингис бонд бол АН-ын бодлого биш, Чингис хааны хишиг болж таарлаа хэмээн ёжилов. Харин нөгөө хэсэг нь АН-ынхан Чингис бондын өр, хариуцлагаас зугтахдаа ийм зүйл ярьж байна гэж шүүмжиллээ.