Сүхбаатар дүүргийн цагдаагийн хэлтэст тус дүүргийн зургадугаар хороонд байрлах “VLVT” шөнийн цэнгээний газар зодоон болж байна гэх дуудлага энэ сарын 31-нд иржээ. Дуудлагын дагуу тус дүүргийн цагдаагийн албан хаагчид “VLVT” шөнийн цэнгээний газар очиход бусдын биед хүйтэн мэсээр хөнгөн гэмтэл учруулсан хэрэг гарсан байжээ. Эх сурвалжуудын мэдээлснээр тус зодооны хохирогч Их аварга Д.Дагвадорж байсан гэв. Ингээд хэргийн талаар Сүхбаатар дүүргийн цагдаагийн нэгдүгээр хэлтсээс лавлахад “ Энэ танхайн хэрэгт олны танил эрхэм оролцсон нь үнэн. Хэргийг шалгаж байгаа учраас өөр мэдээлэл өгөх боломжгүй байна” гэсэн юм.

Тэгвэл энэ талаар ЦЕГ-ын хэвлэл мэдээллийн ажилтан Ё.Лхагвасүрэнгээс тодруулахад “Ийм хэрэг гарсан нь үнэн. Хэргийг шалгаж байгаа” гэв.

Ямартаа ч Их аварга Д.Дагвадоржийг цагдаагийн байгууллагаас шалгаж байгаа юм байна. Гэхдээ Д.Дагвадорж аварга хүн зодсон бус хүнд зодуулсан байж болох талтай аж.