Онцгой байдлын ерөнхий газрын даргын 2013 онд баталсан удирдамж, нийслэлийн Онцгой байдлын газрын даргын 2013 оны 11 дүгээр сарын 14-ний өдрийн А/84 тоот тушаалаар батлагдсан шалгалтын дагуу нийслэлийн нутаг дэвсгэрт байршилтай орон сууцны барилгын зоорийн давхарт байрлах болон гадна тоглоомын талбайн доор төлөвлөгдсөн гарааш, мөн гэр хороололд байрлах байгуулллага, аж ахуйн нэгж, иргэдийн автомашины тавиулан, засварын газруудын нийт 38 объектод шалгалт явуулж, 133 зөрчил илрүүлж, газар дээр нь 14 зөрчлийг арилгуулж, Заавал биелүүлэх албан шаардлага 15, мэдэгдэл 8, дүгнэлт 2-ийг холбогдох албан тушаалтанд хүргүүлж ажиллалаа.

Нийслэлийн Онцгой байдлын газарт ирсэн гал түймрийн  дуудлагын хувьд байшин шатсан 4, машин шатсан 2, амбаар шатсан 1, хог шатсан 1, цахилгаан хэрэгсэлтэй холбоотой 1 дуудлага ирснээс дүүргээр нь авч үзвэл Баянгол дүүрэгт 3, Баянзүрх дүүрэгт 2, Чингэлтэй дүүрэгт 1, Сонгинохайрхан дүүрэгт 3 дуудлага тус тус ирсэн байна.Пийшин зуухны ашиглалтын буруугаас байшингийн дээвэр, амбаарын дээвэр шатсан дуудлага 45%, цахилгаан гэмтэлтэй холбоотой дуудлага 45%, хог шатсан дуудлага 10% тус тус эзэлж байна.