Шинжлэх ухаан хөгжихтэй зэрэгцэн тайлагдашгүй нууцууд гарч ирсээр байна. Японы “Karapaia” сайт өнгөрсөн долоо хоногт Вьетнам улсаас олдсон аварга амьтны бичлэгийг нийтлэснээс хойш интернэтэд шуугиан тарьж байна. Зарим хэвлэл мэдээллийн хэрэгслээр аварга мангас гэж нэрлээд буй энэ амьтныг шинжлэх ухаанд урьд өмнө нь тэмдэглэж байгаагүй юм. Зарим судлаач “Мангас гэсэн төөрөгдлөөсөө сал, энэ бол халимны нэгэн төрөл” гэж тайлбарлажээ. Далайн аварга яст мэлхий гэж тайлбарлах судлаачид байгаа ч дунгүй тул эргэлзээ төрүүлж байна. Гэхдээ усанд удаан хугацаанд амьдарч байсан аварга мангасын сэг яагаад эрэг дээр гарч ирсэн нь оньсого мэт үлдлээ.

    Вьетнамчууд аварга амьтан олдсон баярыг тэмдэглэж, наадам хийхээр болжээ. Энэ амьтан 16 метр урт, 6 тонн жинтэй гэнэ. Вьетнамчууд түүнийг ёслол хүндэтгэлтэйгээр оршуулж, сүмийн дурсгалын нэг болгохоор төлөвлөжээ. Ингэснээр гадаадын жуулчид үзэж сонирхох боломжтой цогцолбор болгох юм байна. Вьетнам бол загасны аж ахуйг эрхэлдэг улс тул халимыг ариун дагшин амьтан гэж дээдэлсээр иржээ. Тиймдээ ч энэхүү шинэ биологийн төрөл зүйлийг халим гэдэгт Вьетнамчууд бат итгэлтэй байна.
Тус улсаас өмнө нь өт мэт хэлбэртэй том амьтан олдож байсан гэдэг. Мөн 2011 онд аварга яст мэлхий олджээ. Цаг уурын өөрчлөлтөөс болоод шинжлэх ухаанд бүртгэгдэж байгаагүй хачирхалтай амьтад гарч ирэх болсон. Үүнээс гадна генийн өвчнөөс үүдэн янз бүрийн гажигтай хүмүүс ч мэндэлж байгаа. Тиймээс дээрх аварга амьтныг генийн өөрчлөлтөөс үүссэн байж болзошгүй гэж үзэх шинжээчид ч байна. 3,260 километр үргэлжлэх Вьетнамын далайгаас дэлхийн далайн хүнсний 90 гаруй хувийг нийлүүлдэг. Энэхүү гайхалтай экосистем нь дэлхийн биологийн гол төрөл зүйл багтдаг 16 төвийн нэг юм. Байгалийн энэ таатай нөхцөл нь далайн амьтан үржих боломжийг бий болгодог байна.