Шведийн Гётеберг хэмээх хотыг донсолгосон нэгэн хачирхалтай дуулиан дэгджээ. Бүр элдэв юм үзэж доль цохисон цагдаа нар ч уг явдлыг хараад шоконд орсон байна.

Цагдаа нарыг хүртэл цочирдуулсан тэр хэрэг бол 37 настай швед эмэгтэй араг ястай секс хийдэг байсан явдал байв.
Тэр эмэгтэйн гэрээс ямар “эрдэнэс” олдсоныг Шведийн бүх сонин, хэвлэлүүд шүүрэн авч бичиж байна.
“Goteborgs-Posten”-д бичснээр жишээ нь л гэхэд “сонин” эмэгтэйн хувцасны шүүгээнээс зургаан гавлын яс, нэг нуруу болон хүний ясны бусад жижиг хэсгүүд гарчээ.

Түүнчлэн өөр нэг нууц газраас нь хүүр хадгалах газарт авсан болон гавлын яс долоож байгаа зураг, хөрөө, өрөм, цогцос хадгалах уутнууд олдсон байна. Түүнчлэн хотын нэгэн цогцос хадгалах газарт нэвтрэх код бичсэн цаас хүртэл байсан гэнэ.

Эхэндээ түүнийг аллагад сэжиглэж байсан ч шалгалтаар тэдгээр араг яснуудтай унтаж, таашаал авдаг болохыг тогтоожээ.
Тэр бүү хэл өөртэйгээ адилхан хүмүүстэй интернэтээр холбоо барьж, нас барсан хүмүүсийн араг яснууд зарж байсан нь тогтоогдсон байна.
Одоо сэтгэцийн хувьд цоо эрүүл болох нь батлагдсан түүнд “үхэгсдийн амгалан тайван байдлыг алдагдуулсан” гэсэн зүйл ангиар эрүү үүсгээд байгаа аж.

Гэхдээ эмэгтэй энэ бүхнийг эрс үгүйсгэж байгаа бөгөөд түүх болон археологид дур сонирхолтой учраас яснуудыг гэртээ хадгалж байсан хэмээн мэдүүлж байгаа гэнэ. Хэрэв буруутай нь эцэслэн тогтоогдвол түүнд хоёр жилийн ял оноох талаар “BBC” мэдээллээ.