Баян-Өлгий аймгийн Нийгмийн халамж, үйлчилгээний хэлтсийнхэн улсын төсвийн мөнгөнөөс завшиж байсан нь илэрсэн талаар эх сурвалж мэдээллээ.  Тодруулбал, Монгол Улсын иргэний харьяалалаас гараад Казахстан улсын иргэн болохоор хүсэлтээ гаргаж, иргэншлээ сольдог казах иргэд Баян-Өлгий аймагт олон бий. Монгол Улсын Засгийн газраас иргэншлээ сольж буй иргэдэд нэг удаа 700 мянган төгрөгийг буцалтгүй тусламжаар олгодог аж. Энэ мөнгийг олгох асуудлыг Нийгмийн халамж, үйлчилгээний хэлтсийнхэн зохицуулж, банкуудад бичиг баримтыг нь бүрдүүлж өгдөг юм байна.  Монгол Улсын харьяатаас хэн гэдэг хүн гарахаар хүсэлт гаргаж, буцалтгүй тусламж олгохоор болж байгааг тус хэлтсийнхэн бүртгэж, жагсаалтыг банкуудруу  хүргүүлж, түүнийг нь үндэслээд банкууд мөнгийг нь гаргадаг. Гэтэл халамжийн асуудлыг хариуцдаг байсан төрийн ажилтан төрийн мөнгөнөөс хувьдаа завшиж улсад их хэмжээний хохирол учруулж байсныг ийн илрүүлжээ. Уг хэрэгт холбогдуулж тус халамжийн хэлтсийн дарга, мэргэжилтнүүд болон "Хаан" банкны дөрвөн теллерийг шалгаж, цаглан хорьсон байгаа аж.  Юутай ч энэ хэрэгт нийтдээ 17 хүнийг холбогдуулан шалгаж байгаа гэнэ.  Мөн хэргийг УМБГ-ын дөрөвдүгээр тасагт шилжүүлж эрүүгийн хэрэг үүсгээд байгаа юм байна.