Сүүлийн өдрүүдэд нэлээд хөл хөдөлгөөнтэй байгаа газар бол Соёл, спорт аялал жуулчлын яамныхан. Соёл урлагийн бодлогын хэрэгжилтийг зохицуулах газрын дарга Н.Оргилыг төсвийн мөнгийг хувьдаа завшсан гэх мэдээлэл олон нийтэд хүрсэн. Н.Оргил өчигдөр үүнд хариулт өгч ямар нэгэн хөрөнгө мөнгөтэй нэр холбогдоогүй гэдгээ хэлж үүрэгт ажлаа өөрийн хүсэлтээр өгөх болсон тухайгаа хэлсэн. Тэрээр энэ үеэрээ Төрийн нарийн бичгийн даргынхаа хууль бус үйлдлийн зах зухаас дэлгэж булхайг нь олонд зарлалаа. П.Алтангэрэл гэгч албан тушаалаа ашиглан нэлээд хэдэн тендерийг өөрийн хүүгийн компани болон танил талдаа өгсөн гэх баримтыг дэлгэж орхилоо. Түүний өгүүлснээр П.Алтангэрэл энэ суудалд сууснаасаа хойш нэлээд хэдэн тендерийг танил талдаа өгчээ. Жишээлбэл өөрийн хүү П.Тулгынхаа "Аглуут" компанид л гэхэд 367 сая төгрөгийн тендерийг өгсөн байна. Ингэхдээ сум бүрт кино театр барих төслийг хэрэгжүүлэх ажлын хүрээнд хийх ёстой барилга угсралтын ажлыг бүхэлд нь өөрийн хүүдээ өгөхөөр улайрч, тендерт шалгаруулж орхисон гэнэ. Ийнхүү төсвийн мөнгө идсэн гэх нэрсийн жагсаалтанд П.Алтангэрэлийн нэр нэмэгдчихлээ.