Алдартнууд ч бас бурханд итгэж, сүсэг бишрэлдээ үнэнч амьдардаг байна. Ингээд олны танил хүмүүс ямар шашин шүтдэг талаарх сонирхолтой баримтуудыг хүргэж байна.

Алдарт жүжигчин Жулия Робертс хиндү шашны сүмд очиж, мөргөдөг гэнэ. Тэрээр 2011 онд “People” сэтгүүлд “Хиндү шашинд гүн суралцаж байна” хэмээн ярьжээ.

Оскарын шагналт жүжигчин Натали Портман Нью-Йоркийн жүүд шашинт гэр бүлд төрж өссөн юм. Натали “Намайг өдий зэрэгтэй явахад жүүд шашны үүрэг, оролцоо их” гэж байв.

Боксчин Майк Тайсон лалын шашныг хүндэтгэж явдаг талаараа олон нийтэд дэлгэж байв. Тэрээр “Аллах надад хэрэггүй, харин би Аллахт хэрэгтэй” гэж хүндийн өргөлтийн аварга шалгаруулах тэмцээний үеэр хэлжээ.

Жүжигчин Марк Уолберг католик шашныг үнэн сэтгэлээсээ шүтэн биширдэг. Тэрээр “Бурхан киноны үнэнч фэн гэдэгт итгэдэг” хэмээн хошигнож байсан удаатай.

Орланда Блүм 19 настайгаасаа эхлэн Буддын сургуульд суралцжээ. Тэрээр энэ тухайгаа 2007 онд дэлгэрэнгүй тайлбарлаж байсан юм.

Залуу дуучин Майли Сайрус Баптист сүмд явдаг боловч өдөр тутмын ажиллагаанд нь оролцож амждаггүй гэнэ. Майли нэгэн удаа “Би богино, цагаан шорт өмссөн учраас тамд очих байх” гэж хэлж байжээ.

Жүжигчин Дензел Вашингтон христийн шашин шүтдэг. Тэрээр өдөр бүр Библь уншдаг тухайгаа олон нийтэд ярьж байжээ.

Дуучин Кэтти Перри мөн христийн шашин шүтэж, ертөнцийн эзэнд залбирдаг байна. Кэти Перри “Би бурханаас доошоо тонгойход хөлөө харж чаддаггүй, тийм том хөхтэй болгож өгөөч гэж гуйсан. Азаар бурхан миний залбирлыг сонссон” гэж ярьж байжээ.