МХЕГ-ын шалгалтаар лефтийн хонгил болон хажуу тал буруу угсарсаны улмаас улсын байцаагчийн актаар 2013 оны 9 сард зогсоосон байсанд гүйцэтгэлийн хяналт шалгалт хийж иргэн С.Нямдаваагийн барилга дээр цамхагт краныг технологийн бус аргаар жижиглэн буулгах картыг мэргэжлийн байгууллагатай хамтран боловсруулж , техникийн 11 зөрчлийг арилгуулжээ.

Түүнчлэн “Хурд” грүпп компанийн 25 давхар офиссийн барилга, “Индустр” компанийн 30 давхар барилга, “Болор мэлмий” компанийн захиалгаар хийгдэж байгаа 17 давхар барилгуудад барилгын өндөрт ажиллаж байгаа ажлын байр болон лефтний хонгилд өндөрөөс унахаас хамгаалсан хамгаалалтын хаалга хашлага торыг шаардлага хангахаар хийгээгүй байжээ. Энэ нь хөдөлмөрийн аюулгүй байдал, эрүүл ахуйн тухай хуулийн холбогдох заалтыг зөрчсөн байна. Шалгалтан хамрагдсан байгууллагууд нь хөдөлмөр аюулгүй байдлын талаар эрсдлийн үнэлгээ хийсэн боловч  түүнийхээ дагуу төлөвлөгөө гаргаагүй байна. Аюулгүй ажиллагаан зарцуулах санхүүжилтийг захиалагч, ерөнхий гүйцэтгэгч, туслан гүйцэтгэгч бүрээр гаргаагүй байсныг МХЕГ-аас онцоллоо. Мөн аюулгүй ажиллагаа, эрүүл ахуйн талаарх ажлын дотоодын хяналтын уялдаа холбоог зөв тогтоогоогүй байсан байна.