“Жаст” группийн еренхийлөгч асан Ш.Батхүү “Эрдэнэт” үйлдвэрийг барьцаалж, Өмнөд Африкийн “Стандарт” банкнаас 140 сая ам.доллар зээлж эргүүлэн төлөөгүй хэрэгт эрүүгийн хэрэгт татагдан шалгагдаж байгаа билээ. Хэргийг Улсын мөрдөн байцаах газрын Эдийн засгийн гэмт хэрэгтэй тэмцэх хэлтэс ажлын хэсэг гарган шалгасан байна. Мөрдөн байцаалтын үйл ажиллагаа дуусах шатандаа орсон ч, Ш.Батхүүгийн хуурамч бичиг баримт бүрдүүлж, “Стандарт” банкнаас зээл авсан гэх асуудал хараахан тодорхой болоогүй байгаа ажээ.

Харин Ш.Батхүүгийн биеийн байдал тааруу байсан учир Клиникийн нэгдсэн төв эмнэлэгт шилжиж, биеэ эмчлүүлсэн. Улмаар сap орчмын хугацаанд эмнэлэгт хэвтэн физик эмчилгээ хийлгэсэн тэрбээр одоо 461 дүгээр ангид хоригдож байгаа юм байна.