Хавар болж жагсаал цуглааны улирал эхэллээ. Бид сүүлийн хориод жил идэвхтэй жагсаж байгаа тэмцэгч ард түмэн. 2008 оны 7-р сарын 01-ээс хойш жагсаал цуглаандаа нэлээд болгоомжтой ханддаг болж жагсаалын цуваа саараад байсан. Тэгвэл ойрын өдрүүдэд улс төрийн нам, иргэний хөдөлгөөн, эрхэм гишүүд маань жагсаалаа санагалзаж эхэллээ. Ингээд хамтдаа жагсаал цуглаанд хамгийн элбэг тааралдах 24 эд зүйлийг сонирхоё.
1. Уриа лоозон: Ихэнхдээ огцор, боль гэсэн агуулгатай байх нь элбэг. Цагаан даавуун дээр улаан будгаар шүршиж байснаас хэвлүүлээд хийлгэсэн нь амар болж.
2. Индэр, тайз: Жагсаалын индэрээс А.Гитлэр мэтийн дарангуйлагч ч төрнө, М.Лутэркинг шиг хүний эрхийн тэмцэгч ч төрнө.
3. Бүч: Дух, хүзүү, гарын бугалгандаа бүч ороодог ёс нэлээд эртнээс дэлгэрчээ.
4. Цагаан хоолой: Олон зуун хүнд үгээ, хүргэж удирдаж зохион байгуулахад зайлшгүй хэрэгтэй эд.
5. Малгай: Энэ ч нэн эртнийх. Хятадын гурван улсын түүхэнд шар малгайтнууд гэж гардаг даа.
6. Мод: Нөхцөл байдал хурцдах үед саваа мод хаанаас ч юм гараад ирдэг.
7. Чулуу: Жагсагчдын гарын доохи үнэнч зэвсэг
8. Далбаа: Мөн л эртний эд дээ. МАН-ынхан далбаагаараа ингэж жигдэрч.
9. Баг: Янз бүрийн багаар ижилсэх эсэргүүцэгч этгээдээ дүрслэх мода нэлээд түгээмэл.
10. Шүгэл: Олуулаа шүгэлдэх чихэнд чийртэй ч бас сүртэй сонсогдоно.
11. Гав: Гар ороох олс, эсвэл гавыг жагсагчид ч цагдаа нар ч гаргаад ирэх нь түгээмэл.
12. Бороохой: Байдал биш болоход цагдаа нар мэдээж бороохойдож эхлэнэ.
13.Зургийн аппарат: Жагсаал цуглааны явцад үүргээ гүйцэтгэж яваад амь бие, эрүүл мэндээрээ хохирсон сэтгүүлчид олон. Тэгвэл тэд аюул нүүрлэсэн ч аппаратаа зуурсаар байдаг юм. Мөн сэтгүүлчдээс гадна үйл явдлыг баримтжуулахаар цагдаа хүчнийхэн, жагсагчид ч зургийн аппарат, дүрс бичлэгийн камер их ашигладаг.
14. Ухуулга хуудас: Бослогод оролцогчидод мэдээлэл түгээх, бодлого шаардлагаа бусад ухуулах зорилгоор хэвлэж гаргасан тараах материал сонин нь хожмоо нийгмийг байлдан дагуулсан нэр хүндтэй хэвлэл болсон түүх арвин.
15. Бамбай: Бас л сүртэй эд шүү.
16. Нулимс асгаруулах хий: Голдуу цагдаа хүчнийхэн үүнийг ашигладаг ч зураг дээр жагсагчид гаргаад иржээ.
17. Нүүрний хамгаалалт: Цагдаа хүчнийхэн харьцангуй боловсронгуй толгой нүүрний хамгаалалттай бол жагсагчдынх нэг иймэрхүү.
18. Цахилгаан бороохой: Цахилгаан бороохой, цахилгаан бууг эмх замбараагүй байдлыг зохицуулахад өргөн ашиглаж байна.
19. Резинэн сумтай буу: Байдал хурцдах тусам цагдаа хүчнийхэний хэрэгслийн хүч нэмэгдэнэ.
20. Ус шүршдэг машин: Бослого дарах зориулалтаар гаргасан танк л гэсэн үг. Даралттай усны өөдөөс сөрөөд тэмцэнэ гэдэг боломжгүй.
21. Бензин, шүдэнз: Сүүлийн үед ихэнхи жагсаалууд бослого үймээн болж "галын наадам" тасрахаа болилоо. Шингэнээ асгалаа, шүдэнз шийдлээ ингээд л болоо.
22. Төмөр саад: Хүчнийхэний хувьд энэ нь нэлээд үр дүнтэй хориглолтын хэлбэр юм.
23. Молотовын шингэн: Босогчдод зориулсан гар бөмбөгийг буруу хийвэл бие дээрээ алдаж шатах эрсдэл их байдаг гэнэ. Тиймээс тэмцэл энэ хүртлээ хурцадсан бол нэлээд нарийн мэдлэгтэй хүмүүс л молотовын шингэнийг хийдэг гэнэ.
24. Дуу чимээ гаргах төмөр торх: Бөмбөрний оронд өргөн ашигладаг болжээ. Эвдрэл багатай сүр ихтэй амар эд аж.
