Дүүргийн эрүүгийн хэргийн анхан шатны 2 дугаар шүүх нь 2014 оны 1 дүгээр улирлын байдлаар 522 хэрэг хүлээн авснаас 401 хэрэг шийдвэрлэсэн ба 70 хэргийн хугацааг хэтэрсэн байна.

Эдгээр шийдвэрлэсэн бүх хэргээс хүнийг санаатай алах 28, хүндрүүлэх нөхцөлтэйгээр хүнийг санаатай алах 10, бусдын бие махбодид хүнд гэмтэл санаатай учруулсан 23, хүчиндэх гэмт хэрэг 12, бусдын эд хөрөнгийг хулгайлах 67, бусдын эд хөрөнгийг дээрэмдэх 25, танхайрах 75, тээврийн хэрэгслийн хөдөлгөөний аюулгүй байдал, ашиглалтын журмын эсрэг 43, бусад 126 байна.

Дээрх гэмт хэрэгт холбогдож шийтгэгдсэн 566 хүнээс эмэгтэй 56, насанд хүрээгүй 21 хүн шийтгүүлсэн ба цаазаар авахуулах ял шийтгээгүй, 449 хүнд хорих ял оногдуулж 265 хүнийг биечлэн эдлүүлсэн байна. Нийт 10 хүнд торгох ял оногдуулж 9 600 000 төгрөг улсад оруулж, 62 хүнийг албадан ажиллах ялаар шийтгэж, 45 хүнд баривчлах ял оногдуулсан байна.

Гэмт хэргийн улмаас 7 хүн нас барж, 21 хүн хүнд гэмтэж, иргэдэд 722 952 886 төгрөгийн хохирол учирсан байна.

Одоо шүүхэд 121 хэрэг шийдвэрлэгдээгүй хяналтын шатанд байгаа бөгөөд 7 хэргийн хугацаа хэтэрсэн байна.

Хорих ял эдлэхээс хугацааны өмнө тэнсэн сулласан, ялаас чөлөөлсөн 53 хүн байгаагаас ялаас хугацааны өмнө тэнсэн сулласан 43, өвчний учир хугацаанаас өмнө ял эдлэхээс чөлөөлсөн 5, шүүхээс прокурорын санал дүгнэлтийг хэрэгсэхгүй болгосон 1, хорих ял эдлэх дэглэмийг бууруулсан 4 материал шийдвэрлэсэн байна.

Захиргааны зөрчил, цагдан хорих арга хэмжээний хувьд баривчлах зөвшөөрөл олгосон 277, баривчлах зөвшөөрөл олгохоос татгалзсан 3, сэжигтнийг сулласан 34, цагдан хорьсон 277, цагдан хорихоос татгалзсан 3, цагдан хорих хугацаа сунгасан 180, 19 хүнийг торгож 290 000 төгрөг улсын дансанд оруулж, 881 хүн баривчлагдсан байна.

Хар тамхи, мансууруулах бодис хэрэглэсэн, зөөвөрлөсөн, хадгалсан гэмт хэргийн шийдвэрлэсэн болон бусад мэдээллийн талаар өдрийн сонинд ярилцлага өгсөн.

Тус шүүх 2014 оны 1 дүгээр улирлын байдлаар иргэдээс 68 өргөдөл гомдол хүлээн авснаас хугацаанд нь 60 өргөдөл гомдлыг шийдвэрлэсэн үзүүлэлтэй байна.