“Сэрэлт” киноны Бумаагийн дүрээр нь та бидний сайн мэдэх  МУГЖ Т.Цэвээнжавын гэгээн дурсгалыг хүндэтгэн хөшөө босгохоор болжээ.

Тэрээр 1916 онд Дорнод аймгийн Матад суманд мэндэлсэн бөгөөд энэ жил Матад сумын 90 жилийн ой тохиож байгаа юм. Ойн хүрээнд нутгаасаа төрөн гарсан алдартны хөшөөг босгохоор болж хандивын данс хүртэл нээжээ. Энэ ажилд түүний ажил амьдралын гараагаа эхлүүлсэн УДЭТ хамтарч байгаа юм.

Т.Цэвээнжав нь 58 наслахдаа 50 гаруй жүжиг, олон арван уран сайхны кинонд дүр бүтээсэн бөгөөд “Сэрэлт”, “Хүргэн хүү”, “Энэ хүүхнүүд үү” кинонд бүтээсэн дүрүүд нь одоо ч ард олны сэтгэлд хоногшин үлджээ.

Хандивын данс: Голомт банк- 2020001478