МАХН-ын дарга Н.Энхбаяр БНСУ-ын Сөүл хотод эмчилгээ хийлгэж байгаа. Түүнийг өнгөрсөн хүүхдийн баяраар буюу төрсөн өдрөөрөө эх орондоо ирж магадгүй гэж байсан юм.

Тэгвэл тэрээр Сөүл хотын Монгол таунд зочилж элэг нэгт ахан дүүстэйгээ баяраа тэмдэглэжээ.

Тодруулбал тэрээр тус улсад эмчлүүлж байгаа хоёр хүүхдэд зориулсан “Хамтын халуун сэтгэл” хандивын үйл ажиллагаанд оролцож бяцхан хүүхдүүдэд өөрийн гарын бэлгийг гардуулсан байна.

Тэрхүү арга хэмжээнд МАХН-ын Ерөнхий нарийн бичгийн дарга Г.Шийлэгдамба, Нарийн бичгийн дарга П.Цогтбаатар, МАХН-ын дэргэдэх Ардчилал, Шударга ёс, Монголын Залуучуудын холбооны Тэргүүн  О.Буяннэмэх нар болон  намын удирдах ажилтнууд оролцсон гэнэ.