Өнгөрөгч сарын 30-нд Сингапурт мэргэжлийн тулааны OFC холбооны “Honour and Glory” тэмцээн боллоо.

Дэлхийн шилдэг 20 тамирчин уригдсан энэхүү тэмцээнд Монголоос Ж.Нарантунгалаг оролцож, OFC холбооны дэлхийн аварга асан, Филиппиний 23 настай тамирчин Хонорио Банариотой тулалдсан юм. Гурван минутаар таван үе өрсөлдсөн тулаанд манай тамирчин өрсөлдөгчөө шүүгчдийн саналаар 3:0-ээр буулган авчээ. Ингэснээр OFC холбооны дэлхийн аварга Японы Ооиши Коожитой дэлхийн аваргын бүсийн төлөө тоглох эрхтэй болсон байна.

Манай тамирчин Ж.Нарантунгалаг “Legend Fighting Championship”-ийн Ази-Номхон далайн бүсийн аваргын бүсийг эзэмшиж байсан удаатай. Өнгөрсөн жил Японы Кожи Андод ялагдснаар аваргын бүсээ алдсан юм. Энэ тулаанд манай тамирчин баруун хөлөө хугалуулсан хэдий ч жилийн дараа рингэндээ эргэн ирсэн билээ.