"Шүүдэр" продакшны бүтээл "Улаан пальто" кино өнөөдөр орой 18.00 цагт "Өргөө-1" кино театрт нээлтээ хийх гэж байна.

Зохиолч Б.Шүүдэрцэцэгийн “Улаан пальто” өгүүллэгээс сэдэвлэн бүтээсэн тус киноны гол дүрд МУСТА О.Долгор, жүжигчин О.Байгаль, Т.Өөдөө нар тоглосон. Нээлтийн  тасалбар авсан эхний үзэгчид, оролцогчдод  Coca Cola  гарын бэлгээ түгээх юм байна. Нээлтэнд дуучин Х.Мөнгөнцэцэг "Бүүвэйн аялгуу" дуугаараа ая барина. Мөн энэ үеэр үзэгчид гол дүрийн жүжигчидтэй зургаа авахуулах боломжтой аж.