Эмийн сангуудад янз бүрийн гэдэс цэвэрлэх, эм худалддаг. Эдгээр эмийн чанарын баталгаа, хүний биед үзүүлэх нөлөөний талаар тэр бүр хүмүүс мэддэггүй. Тэгвэл энэ талаар мэргэжлийн эмч ингэж зөвлөж байна.

"Гранд Спа" төвийн дотрын эмч Д.Балжинням хэлэхдээ "Сүүлийн жилүүдэд өтгөн хаталт их болсон. Өтгөн хатаад 3-7, заримдаа 10 хонож байна гээд эмчид ханддаг. Өтгөн хаталтын эсрэг эм нь өөрөө өтгөн хаталтын гол шалтгаан нь болдог. Учир нь энэ төрлийн эмүүдийг тогтмол уувал бүдүүн гэдэсний хэвийн үйл ажиллагаа алдагдаж, бие мах бодь эмэнд дасал болдог. Түүнчлэн эм нь элгээр дамжин хоргүйжиж, бөөрөөр ялгардаг тул давхар элэг, бөөрөө хордуулах аюултай" гэлээ.