Германы Мюнхен хотод буудлага спортын Дэлхийн цомын тэмцээн үргэлжилж байна.

Өчигдөр эмэгтэйчүүдийн спорт гар бууны 25 метрийн төрөлд аваргууд нь тодорсон бөгөөд тэмцээнд гавьяат тамирчин О.Гүндэгмаа, Д.Мөнхбаяр нар үзүүр түрүү булаалджээ.

Гавьяат тамирчин, Бээжингийн олимпийн мөнгөн медальт О.Гүндэгмаа урьдчилсан шатанд 584 оноо авч, шигшээд таваар шалгарсан ч урдаа бичигдсэн тамирчдыг хожсоор финалд гарч ирэв.

Нөгөө талаас өөр нэг монгол тамирчин, тэмцээнд  Герман улсын нэрийн өмнөөс оролцож буй Д.Мөнхбаяр нар шалгарсан байна. Харин финалд Гүндэгмаа өрсөлдөгчөө 8:0-ээр хожиж, Дэлхийн цомын долоо дахь алтан медалиа өөрийн болголоо. Гурав, дөрөвдүгээр байрт Хятадын хоёр мэргэн бууч, Дэлхийн цомын шигшээ тэмцээний аварга Занг Жиан, Бээжингийн олимпийн аварга Чень Ин нар оржээ.